Leonardo Dı Kaprıo «Úzdik akter» ataǵyn ıelendi

ASTANA. 18 qańtar. AQSh-tyń Kalıfornııa shtatyna qarasty Santa-Monıka qalasynda ótken saltanatty keshte «Synshylar tańdaýy» (Critic’s Choice Movie Awards) syılyǵynyń 2015 jylǵy qorytyndysy boıynsha «Úzdik akter» nomınasııasyn Leonardo Dı Kaprıo jeńip aldy. Bul týraly TASS aqparat agenttigine silteme jasaǵan egemen.kz tilshisi habarlady. Dı Kaprıo The Revenant fılmindegi róli úshin bul ataqqa qol jetkizdi. Alehandro Gonsales Inıarrıtýdyń rejısserligimen bolǵan fılm barysy XIX ǵasyrdaǵy oqıǵany sýretteıdi. Hıý Glasstyń somdaýymen Amerıkanyń Jabaıy Batysyndaǵy qaýip-qaterlerdi kórsetedi. Osy fılm arqyly Leonardo Dı Kaprıo «Altyn globýs» pen «Oskar» júldesine nomınasııa jeńip alǵan bolatyn. «Synshylar tańdaýy» júldesindegi úmitkerler qatarynda sondaı-aq, Braıan Krenston (Trumbo), Mett Deımon (The Martian), Djonnı Depp (Black Mass), Maıkl Fassbender (Steve Jobs) jáne Eddı Redmeın (The Danish Girl) bolǵan. Bul kásibı birlestik televızııada, radıo men ınternet-basylymdarda qyzmet etetin 250 kınosynshydan quralǵan Soltústik Amerıkadaǵy eń iri qaýymdastyq. Aıan Ábdýálı. Derek, sýret: TASS.