Aqmola oblystyq soty Kodekske túsindirme semınaryn ótkizdi

KО́KShETAÝ. 18 qańtar. Aqmola oblystyq soty jańa baspadaǵy Qazaqstan Respýblıkasy Azamattyq prosestik kodeksine túsinikteme jobasyn talqylaý jóninde semınar ótkizdi. Bul týraly oblystyq sottyń baspasóz qyzmetiniń deregine súıengen egemen.kz tilshisi habarlady. Semınar jumysyna oblystyq sotynyń sýdıalary qatysty. Semınar jumysyn kirispe sóz sóılep ashqan oblystyq sottyń azamattyq ister jónindegi sot alqasynyń tóraǵasy E.Janádilov jańa Qazaqstan Respýblıkasy Azamattyq prosestik kodeksiniń qabyldaýy sottarmen azamattyq isterdi qaraýdyń tıimdiligin arttyratynyn atap ótti. Kelesi kezekte oblystyq sottyń sýdıasy G.Qamalı jańa baspadaǵy Azamattyq prosestik kodeksine túsinikteme jobasyna suraqtar men usynystar týraly áńgimelep berdi. Semınarda oblystyq sottyń sýdıasy A.Shoıynbekova tıistisinshe paıdalanbaǵan nemese zańdy buzyp paıdalanǵan jer telimderin ıelerinen nemese jerdi paıdalanýshylardan májbúrlep alyp qoıý boıynsha daýlardy qaraý tájirıbesin talqylaý jóninde sóz qozǵady. Semınardyń qorytyndysy boıynsha sýdıalar pikir almasty. Baqbergen Amalbek. Derek: Aqmola oblystyq sotynyń baspasóz qyzmeti.