ASTANA. 18 qańtar. 23 qańtar kúni «Astana arlandary» jartylaı kásipqoı boks klýby Búkilálemdik boks serııasynyń altynshy maýsymynyń alǵashqy kezdesýin ótkizedi. Bul týraly egemen.kz tilshisi habarlady.
Osy kúni «Astana arlandary» Ázerbaıjannyń «Baku Fires» komandasymen kezdesedi. Jekpe-jek Qaraǵandy qalasynda ótedi.
Bıylǵy maýsymda «Astana arlandary» D tobynda kúsh synasady. 2010 jyly alǵash ret tusaýy kesilgen jobaǵa bıyl aıtarlyqtaı ózgerister endi. Búkilálemdik boks serııasynyń basshylary jarysqa qatysýǵa nıet bildirgen on alty komandany tórt topqa bóldi. «Astana arlandary» komandasy jerebe qorytyndysy boıynsha Ázerbaıjan, О́zbekstan jáne Pýerto-Rıka klýbtarymen birge D tobyna tústi.
A toby: Kýba, Ýkraına, Túrkııa, Qytaı;
V toby: Meksıka, Marokko, AQSh, Ulybrıtanııa;
S toby: Reseı, Argentına, Polsha, Venesýela;
D toby: Qazaqstan, О́zbekstan, Ázerbaıjan, Pýerto-Rıka;
Byltyrǵy maýsymmen salystyrǵanda bıyl komandalar sanynda ózgeris joq. Alaıda, jobaǵa taǵy eki komanda qosyldy. Túrkııa komandasy araǵa úsh jyl salyp, jarysqa qaıta oraldy. Sońǵy ret túrikter 2011/2012 jylǵy maýsymda qatysqan. Sondaı-aq, bıylǵy dodada tuńǵysh ret ózbekstandyq komandanyń boksyn tamashalaımyz. О́zbek boksshylary «Astana arlandarymen» D tobynda qolǵap túıistiredi. Túrkııa men О́zbekstan komandalary Aljır men Italııa komandalarynyń ornyn basty.
Búkilálemdik boks serııasynyń altynshy maýsymyna arnalǵan ereje boıynsha ár toptan úzdik shyqqan eki komanda jarystyń shırek fınalyna shyǵady. Toptyq básekeniń jekpe-jekteri olımpııalyq aınalym boıynsha ótedi.
| Kúni |
Komandalar |
| 23.01. |
«Astana Arlans» (Qazaqstan) |
«Baku Fires» (Ázirbaıjan) |
| 06.02. |
«Puerto Rico Hurricanes» (Pýerto-Rıka) |
«Astana Arlans» (Qazaqstan) |
| 26.02. |
«Uzbek Tigers» (О́zbekstan) |
«Astana Arlans» (Qazaqstan) |
| 04.03. |
«Baku Fires» (Ázirbaıjan) |
«Astana Arlans» (Qazaqstan) |
| 19.03. |
«Astana Arlans» (Qazaqstan) |
«Puerto Rico Hurricanes» (Pýerto Rıka) |
| 02.04. |
«Astana Arlans» (Qazaqstan) |
«Uzbek Tigers» (О́zbekstan) |
Dastan Kenjalın.
Derek, sýret: «Astana Arlans» jartylaı kásipqoı boks klýby.
