Qyzylordada 125 ákimshilik quqyq buzýshylyq anyqtaldy

QYZYLORDA. 18 qańtar. Qyzylordada «Túngi qala» is-sharasy barysynda 125 ákimshilik quqyq buzýshylyq anyqtaldy. Bul týraly egemen.kz tilshisi habarlady. Atap aıtqanda, múldem tózbeýshilik qaǵıdaty boıynsha barlyǵy 47 quqyq buzýshylyq tirkelse, onyń ishinde, belgilenbegen oryndarda saýda jasaý deregi boıynsha – 3 (204-bap), alkogoldik ishimdikterdi ishý nemese qoǵamdyq oryndarǵa masań kúıde kelý deregi boıynsha – 17 (440-bap),  tynyshtyqty buzý deregi boıynsha – 2 (437-bap), qoǵamdyq orynda temeki shegý deregi boıynsha – 6 (441-bap), kámeletke tolmaǵandardyń túngi ýaqytta júrý deregi boıynsha – 4 (442-bap, 2-tarmaq), usaq buzaqylyq deregi boıynsha – 4 (434- bap) jáne abattandyrý qaǵıdalaryn buzý deregi boıynsha 6 (505-bap) quqyq buzýshylyqtar anyqtaldy. Jol-patrýldik polısııa rotasynyń qyzmetkerlerimen jol qozǵalysy qaýipsizdigin buzýdyń 78 deregi anyqtaldy. Onyń ishinde, kólik quralyn qujatsyz basqarýdyń – 5 (612-bap), kólik quralynyń terezelerin qarańǵylatýdyń – 1 (590-bap, 5-tarmaq), qaýipsizdik beldigin taqpaı basqarýdyń – 23 (593-bap, 1-tarmaq), manevr jasaý qaǵıdalaryn buzýdyń – 4 (595-bap, 1-tarmaq), kólik quralyn basqarý kezinde júrgizýshiniń telefondy ne radıostansııany paıdalanýǵa baılanysty – 3 jáne tynyshtyqty buzýǵa qatysty 2 (437-bap) derek tirkeldi. Is-shara barysynda aıyp alańyna barlyǵy 15 avtokólik jetkizildi, onyń ishinde qujatsyz basqarǵany úshin – 9, memlekettik belgisi joq kólikti basqarǵany úshin – 1 jáne sot qaýlysymen 5 avtokólik qoıyldy. Atalǵan is-shara aldaǵy ýaqytta ár aptanyń senbi kúni ótkiziletin bolady. Erjan Baıtiles. Derek: egemen.kz. Sýret: mvd.gov.kz.