ASTANA. 18 qańtar. Velosportshy Artem Zaharov Qytaıdyń Sıangan qalasynda ótken Álem kýbogy jolyndaǵy jarysta qola júldeger atandy. Bul týraly egemen.kz tilshisi habarlady.
Ol jarysta jaqsy óner kórsetti. «Skretch» jarysynda álemniń úzdik veloshabandozdarynyń biri sanalatyn Mark Kevendısh (Ulybrıtanııa), Leıs Hanson (Danııa) men Tomas Býdeni eki kezeńde (Fransııa) basyp ozdy. Alaıda, sońǵy úshinshi kezeńde Artem Zaharov 172 upaı jınap, qola júldeni ıelendi. Bul synda Býde men Hanson qazaqstandyq sportshydan jaqsy nátıje kórsetti. Zaharovtyń jattyqtyrshysy Sergeı Krýchına shákirtiniń Sıangannyń tasjoldaryndaǵy jarysyna jaqsy baǵa berdi. «Eger Artem Olımpıadanyń joldamasyn alyp, Rıo-de-Janeıroda óner kórsetse, Qazaqstan tórt jylda bir keletin dodada medal alatyn bolady», dedi ol.
Dastan Kenjalın.
Derek: egemen.kz
Sýret jýrnalıst Janar О́teshevanyń Facebook áleýmettik jelisindegi jeke paraqshasynana alyndy.
