Aman Tóleev: «Reseıge Qazaqstannan kóp nárseni úırený kerek»

ASTANA. 18 qańtar. Kemerovo oblysynyń gýbernatory Aman Tóleev 2015 jyldyń qorytyndysy boıynsha Reseı óńirleri basshylarynyń arasynda úzdik jetekshi bolyp tanyldy. Bul týraly egemen.kz tilshisi habarlady. Qandasymyzdyń Reseıdegi bedelin onyń gýbernator saılaýynda halyqtyń 96,7 paıyz daýysyn jınaǵanynan da kórýge bolady. Aman Tóleev Kemerovo oblysyn 1997 jyldan jyldan beri basqaryp keledi. Ol Reseıde pragmatık basshy retinde tanymal. О́tken jyly Reseı prezıdenti Vladımır Pýtınniń Federaldy Jınalysyna joldaýy bastalar aldynda Kemerovo oblysynyń gýbernatory eldegi saıası-ekonomıkalyq jaǵdaıǵa baǵa bere kelip, Reseıge Qazaqstannan reformalardy júrgizýde, ekonomıkalyq baǵdarlamalardy iske asyrýda kóp nárseni úırený kerektigin aıtqan edi. «Reseıge kórshi elden kóp nárseni úırený kerek. Qazir keıbir salada Qazaqstanan Reseıden kósh ilgeri keledi. Biz muny ashyq moıyndaýymyz kerek. Qazaqstanda saıası-ekonomıkalyq baǵdarlamalar halyqqa paıdasyn ákeledi. Reseı Qazaqstannyń tájirıbelerine súıený kerek», dedi ol «Rossııa 24» telearnasynyń tilshisine. Dastan Kenjalın. Derek, sýret: egemen.kz