AQSh Qytaıdyń KHDR-ǵa munaı berýin doǵarýdy talap etti

ASTANA. 18 qańtar. AQSh Qytaıdyń Soltústik Koreıaǵa munaı ótkizip, antrasıt ónimin ımporttap alǵanyn toqtatýdy talap etti. Bul týraly ria.ru saıtyna silteme jasaǵan egemen.kz tilshisi habarlady. Soltústik Koreıanyń tórtinshi ıadrolyq synaǵyn ótkizýine baılanysty sanksııa retinde Qytaıdyń osyndaı qadamǵa barǵanyn qalaıdy. «Asahı» basylymynyń málimdeýinshe, AQSh bul pikirin 13 qańtar kúni úshjaqty kezdesýde aıtqan. Seýlde ótken jıynda AQSh, Ońtústik Koreıa, Japonııa dıplomattary arasynda Soltústik Koreıanyń orynsyz qylyǵyna qatań túrde qarsy turýdyń joldaryn talqylady. AQSh-tyń bul talabyna Qytaı jaǵy naqty jaýabyn bergen joq. «Asahı» basylymy bul rette Aspanasty elinen KHDR-ǵa jylyna 400-500 myń tonna munaı ónimderi jiberiletinin aıtty. Al Qytaı óz kezeginde Soltústik Koreıadan 115,5 mıllıon dollar qarjyǵa 15,5 mıllıon tonna antrasıt qabyldap alady. Bul kórsetkish olardyń eksportqa shyǵaratyn taýarynyń 40 paıyzyn quraıdy. Aıta keteıik, qazirgi kezde Soltústik Koreıaǵa sanksııa jasaýdy Birikken Ulttar Uıymynyń Qaýipsizdik Keńesi talqylaýda. Aıan Ábdýálı. Derek: ria.ru. Sýret: ipress.ua.