Sırııalyq bosqyn Shvesııada qatarlasyn pyshaqtap óltirdi

ASTANA. 18 qańtar. Shvesııanyń Skone provınsııasynda Sırııadan qonys aýdaryp kelgen 14 jastaǵy Ahmed Mýstafa Al Hadj Alı 2016 jyldyń alǵashqy oqý kúni-aq 15 jastaǵy Armınas Pılskasty pyshaqtap óltirdi. Bul týraly ren.tv saıtyna silteme jasaǵan egemen.kz tilshisi habarlady. Jergilikti BAQ ókilderi bosqyndar otbasynan shyqqan bozbalanyń alǵash bolyp urynǵanyn málimdedi. Qatarlas qyzdaryna orynsyz tıiskeni sebepti Lıtvanyń týmasy Armınas sırııalyq balaǵa eskertý jasaǵan. Alaıda bul qylyǵyn kótere almaǵan ol kegin almaqshy bolady. Osylaısha, oıyna alǵan isin qatarlasynyń dál júregine pyshaq suǵyp, óltirýmen aıaqtaıdy. Al Ahmettiń ákesi kinániń bári tek balasyna ǵana artylǵanyna keliser emes. Onyń aıtýynsha, Armınas osy kúnge deıin bosqyndyǵyn betine basyp, kelemejdep kelgen. Osyǵan shydamaǵan Ahmet qylmystyq áreketke barypty. Alaıda, qaıtys bolǵan Armınastyń ata-anasy bul pikirmen keliser emes. Osyǵan deıin de birneshe márte mıgrant balalarǵa shaǵym túskenin alǵa tartty. Máselen, jýyrda ǵana jınalǵan top mektep jasyndaǵy qyz balany zorlap ketpek bolǵan. Abyroı bolǵanda, der kezinde kómekshiler jetip, aman alyp qaldy. Aıta keteıik, 2015 jyly Shvesııa 160 myń bosqyndy qabyldady. El halqynyń sany 10 mıllıon bolǵandyqtan, jan basyna shaqqanda bul Eýropadaǵy eń joǵarǵy kórsetkish bolyp esepteledi. Soǵan qaramastan bılik bosqyndar daǵdarysyn sheshý úshin jalpyhalyqtyq mindetti áskerı qyzmetin óteý máselesin qaıta qalpyna keltirýge nıetti. Aıan Ábdýálı. Derek, sýret: ren.tv.