Jambyl oblysyndaǵy tikushaq apatyna kináli anyqtaldy

TARAZ. 25 qańtar. Jambyl oblysynda tikushaqtyń qulaý faktisi boıynsha arnaıy komıssııa quryldy. Bul týraly egemen.kz tilshisi habarlady. Jambyl oblysynda Mı-2 tikushaǵynyń qulaý saldarynan zardap shekken ushqyshtyń esimi belgili boldy. Ol tikushaq tıesili kompanııa dırektory Valerıı Mıhın  ekendigi anyqtaldy. Esterińizge sala keteıik, bul «Taraz Jańa Álem» kompanııasy bolatyn. Sonymen qatar bizdiń tilshimizge belgili bolǵandaı, zardap shekken azamat qazirgi kezde jan saqtaý bóliminde jatyr. «Naýqastyń hali nashar. Ol shok alǵan. Qazirgi kezde barlyq kerekti is sharalar jasalýda»,  dep medısınalyq mekemedegiler maǵlumat berdi. Esterińizge sala keteıik, 23 qańtarda keshkisin, boljammen Jambyl oblysy, Turar Rysqulov aýdany tikushaqtyń qulaǵyndyǵy jóninde aqparat túsken bolatyn. Artynsha bul aqparat rastaldy. Sonymen qatar belgili bolǵan taǵy bir jaıt, Jambyl oblysynda tikushaq apatqa ushyraǵan jerde qutqarýshylar jumys jasaýda. Oralhan Dáýit. Derek, sýret: egemen.kz