Kamerýnda joıqyn jarylystan 29 adam qaza tapty

ASTANA. 25 qańtar. Kamerýnnyń soltústiginde bolǵan joıqyn jarylystan 29 adam qaza taýyp, 30 turǵyn túrli jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady. «Aldyn-ala boljam boıynsha, 29 adam qaza tapty. Onyń ishinde ózin-ózi jaryp jibergen 3 jankeshtiniń denesi anyqtaldy. Sondaı-aq, zardap shekken 30 turǵyn jaqyn mańaıdaǵy aýrýhanalarǵa jetkizildi», – deıdi jergilikti polısııa qyzmetkeri. Tártip saqshylarynyń aıtýynsha, qandy oqıǵanyń uıymdastyrýshylary bul joly da «Boko haram» tobynyń sodyrlary bolýy múmkin degen boljamdaryn aıtty. Sebebi, atalǵan uıym osyǵan deıin birneshe ret halyq kóp shoǵyrlanǵan jerlerde jarylys uıymdastyryp, beıbit turǵyndarǵa san márte oq jaýdyrǵan. Nebári alty jyldyń ishinde lańkestik toptyń qolynan 20 myńǵa jýyq adam qaza taýyp, kóptegen turǵyn túrli jaraqat alǵan. «Boko Haram» sodyrlar uıymy kóbine Nıgerııanyń soltústik-batysynda, Kamerýn jáne Chad elderinde terrorlyq shabýyl jasaıdy. Aıan Ábdýálı. Derek: TASS. Sýret: zn.ua.