Pýma

О́skemendegi zoobaqta amerıkalyq taý arystany bar О́skemendegi haıýanattar ba­ǵy­nyń ań-qustary qytymyr qystyń sýyǵyna ázir tońa qoıǵan joq. Muny jyrtqyshtardyń túr-tulǵasynan, sergek júrisi men kúńgirt kúnniń ózinde jyltyldap turatyn terisiniń túginen baıqaýǵa bolady, deıdi mamandar. Haıýanattar baǵynda bu­lan, sileýsin, qaban, taýtek­e, ame­rıkalyq taý arystany (pý­ma) sııaqty sırek kez­desetin taý men dala taǵy­la­ryna jaqsy jaǵdaı jasal­ǵan. Bıyl haıýan­attar ba­ǵynda janýarlardyń er­kin qımyldaýy úshin turaq­ta­ry keńeıtilgen bolatyn. Kelýshiler qatary da mol. Adamdarǵa kishken­taı kóz­derimen tesile qaraıtyn qos qabannyń tulǵasyna ká­nigi ańshylardyń ózi tań­ǵalady. Qabandar toraı ke­zinen osynda ósip keledi. Al Sasha esimdi aıý kúrekteı ala­qanymen tordan ustap, tiginen turǵanda boıy 2,5 metrge jetedi. Qońyr aıýlardyń jan-jaǵyndaǵy tirshilikke manaý­raı kóz salǵanynyń ózi qyzyq. Zıpa boıly pýmaǵa qaraǵanda mundaǵy aıýlar vegetarıan. Al ótkir kózderi jap-jasyl bolyp janatyn pýma qyzyl etke qumar-aq. О́te jyrtqysh bolǵandyqtan, baq qyzmetkerleri ony qorek­tendirgen kezde saqtyqpen qı­myldaıdy. 2,5 jasqa tolǵan taý arystanyna ur­ǵashy jup izdes­tirilip jatyr eken. – Pýmany qalamyzǵa eki jyl buryn kelgen sırkterdiń biri syılap edi. Olar jubyn taýyp berýge de ýáde etken. Alaıda, keıin ondaı múm­kin­diktiń bolmaı turǵanyn aı­­typ, hat jazdy, – deıdi Shy­ǵys Qazaqstan oblystyq sáý­lettik-et­no­­grafııalyq jáne tabıǵı-land­shaft­tyq mýzeı-qoryǵynyń faýn­a bóli­miniń bastyǵy Zaınıtdın Sham­shıev. Zaınıtdın Sharıfıt­dın­uly kúzdiń sońǵy aılaryn­da haıýanattar baǵynda arnaıy jem-shóp ashanasy salyn­ǵanyn, jyrt­­qyshtarǵa arnalǵan taǵam­dy ázirleýde taza­lyq qatań saq­­talatynyn, kók­ónister de jetkilikti ekendigin aıtty. Dýman ANASh, «Egemen Qazaqstan». О́SKEMEN.