Zıka bezgegi Eýropa elderine jetti

ASTANA. 28 qańtar. Zıka bezgegin juqtyrǵan naýqas Danııada tirkeldi. Bul týraly Euronews telearnasyna silteme jasaǵan egemen.kz tilshisi habarlady. Indetti Ortalyq jáne Ońtústik Amerıkaǵa barǵan er adam juqtyrǵan. Qazirgi tańda bul aımaqtyń kóptegen elderinde zıka epıdemııasy órship tur. Budan buryn bezgekti juqtyrýdyń eki deregi – Shveısarııada, tórt jaǵdaı – Italııada, taǵy eki oqıǵa AQSh-tyń Vırdjınııa jáne Arkanzas shtattarynda tirkelgen bolatyn. Indetti juqtyrý oqıǵalarynyń barlyǵynda derlik aýyrǵan adamdar vırýs shalǵan elderge barǵan. Al, bul indet adamǵa masa arqyly juǵady. Zıka bezgegi ásirese júkti áıelder úshin óte qaýipti bolyp sanalady. Sebebi, aýrý ishtegi balanyń boıynda aýytqýshylyqtar týdyrýy múmkin. Keıbir ǵalymdar indet pen Brazılııada mı dertimen dúnıege kelgen sábıler sanynyń ósýiniń arasyndaǵy baılanysty joqqa shyǵarmaıdy. Sol sebepti mamandar aıaǵy aýyr áıelderdi bul aımaqqa barýdan bas tartýlaryn surap otyr. Zıka indeti búginge deıin 20-dan astam elde tirkelgen. Al, Brazılııa álem boıynsha eń iri epıdemııany basynan ótkerip otyr. Osyǵan oraı Halyqaralyq Olımpıada komıteti óz alańdaýshylyǵyn bildirdi. Sebebi, bıylǵy Olımpıada osy eldiń Rıo-de-Janeıro qalasynda ótetini belgili. Elaman Qońyr. Derek: Euronews. Sýret: ilpost.it.