PAVLODAR. 2 aqpan. Pavlodar qalasyndaǵy Sultanmahmut Toraıǵyrov atyndaǵy memlekettik ýnıversıtette «Máńgilik el jastary – ındýstrııaǵa» – «Serpin-2050» memlekettik baǵdarlamasy respýblıkalyq úılestirý keńesiniń tóraǵasy Murat Ábenov osy baǵdarlama boıynsha bilim alyp júrgen stýdenttermen kezdesti. Bul týraly ýnıversıtettiń baspasóz qyzmetine silteme jasaǵan egemen.kz tilshisi habarlady.
Keńes tóraǵasy oqý ornynyń tynys-tirshiligimen, materıaldyq-tehnıkalyq bazasymen tanysty.
Bıylǵy oqý jylynda atalǵan baǵdarlama boıynsha elimizdiń ońtústik óńirlerinen kelgen 300-ge jýyq grant ıegerleri bilim alýda. Serpindikter negizinen tehnıkalyq mamandyqtardy ıgerýde. Murat Ábenovtiń aıtýynsha, baǵdarlama soltústikte mamandar tapshylyǵyn tómendetip, ońtústik óńirlerdegi jumyssyzdar sanyn azaıtady. Aldaǵy ýaqytta ýnıversıtette «Serpin-2050» baǵdarlamasymen bilim alyp júrgen stýdentter úshin «Bıznes ortalyq» qurylmaq. Kezdesýde ýnıversıtet rektory Aryn О́rsarıev stýdentterdi joǵary deńgeıli bilim alýǵa shaqyrdy.
Aıta keteıik, baǵdarlama boıynsha bilim alyp júrgen stýdentter jataqhanamen qamtamasyz etilgen.
Farıda Byqaı.
Derek: egemen.kz.
Sýret: Rýfına Torpısheva.
