Aqtóbede «Qarý» jedel-profılaktıkalyq is-sharasy bastaldy

AQTО́BE. 2 aqpan. Aqtóbe oblysyndaǵy jedel jaǵdaıdy saýyqtyrý, atys qarýyn, jarylǵysh zattardy qoldaný arqyly jasalatyn qylmystardy ashý jáne aldyn alý, sondaı-aq, qarý ıelerin turǵylyqty jeri boıynsha tekserip, olardyń qarýdy paıdalaný, ustaý jáne saqtaý talaptaryn oryndaýyn tekserý maqsatynda osy jyldyń 1-29 aqpany aralyǵynda «Qarý» jedel-profılaktıkalyq is-sharasy ótkizilýde. Bul týraly egemen.kz tilshisi habarlady. Aksııa barysynda zańsyz aınalymdaǵy atys qarýlaryn, oq-dárilerdi, jarylǵysh zattardy anyqtaý jáne alý júzege asyrylady. Sonymen qatar, qalada, eldi mekenderde, aýyl- aımaqtarda, sondaı-aq, jeke qojalyqtarda azamattardan zańsyz aınalymnan atys qarýlaryn, oq-dárilerdi, jarylǵysh zattardy anyqtaý jáne alý júrgizilýde. Qarý ıeleri turǵylyqty jeri boıynsha tekserilip, olardyń qarýdy paıdalaný, ustaý jáne saqtaý talaptaryn oryndaýy qadaǵalanýda. Negizgi magıstraldar men eldi mekender joldarynan ótip jatqan kólikter tekserilip jatyr. Barlyq anyqtalǵan zań buzýshylyqtar boıynsha zań talaptary múltiksiz oryndalyp, zań buzýshylardaǵy qarýlar men oq-dáriler tárkilenip ákimshilik jaýapkershilikke tartylatyn bolady. Qazirgi tańda oblys boıynsha 13 133 qarý tirkelgen, onyń ishinde ıir oıyqty – 821, tegis uńǵyly – 9110, gazdy – 785, pnevmatıkalyq – 16, sýyq – 13 jáne elektrli 2 qarý bar. Olardyń 2 386 – qyzmettik jáne 10 747 azamattyq qarý ekenin de atap ótken jón. Satybaldy Sáýirbaı. Derek: egemen.kz. Sýret: aktobeinfo.kz.