Shymkentke degen shynaıy kóńil

ıtalıan mýzykanttary atynan bildirildi Shymkenttegi opera jáne balet teatrynda Ońtústik Qazaqstan obly­sy ákimdigi men Qa­zaqstan Respýb­lıkasyn­daǵy Ita­lııa elshi­liginiń qoldaýy boıynsha «Italııa kıne­matografııa­synyń uly mýzykasy» atty konsert ótti. Konsertke álemdik deńgeıdegi juldyzdar – ataqty kompozıtor, dırıjer, vırtýoz-mýzykant Maýro Maýr (trýba) men Fransýaz de Klosse (fortepıano) qatysty. Shyǵarmashylyq keshte Ita­lııanyń əıgili «Bag­sı», «Mıssııa», «Amar­kord», «Tát­ti ómir», «Kabırıe tún­­deri», «Pa­radızo» ja­ńa kı­­noteatry syndy kóp­te­gen kınolaryna arnap ja­zylǵan tamasha týyndy­lary oblystyq opera jáne balet teatrynyń sım­fo­nııalyq orkestri men hor ujy­mynyń súıe­mel­deýinde oryndaldy. Buryn da óńir tur­ǵyn­­dary ataqty mýzy­­kant­tar oryndaǵan shyǵarmalardy tyńdaýǵa kóp keletin. Bul joly teatr­da ıne shan­­­shar oryn bolǵan joq. Jurt tabaldyryqta otyr­dy dese de bolady. Kórermen kóp bolsa, ta­­lantty adamdar odan saıyn arqalanyp ketedi. Maýro Maýr da shyǵar­ma­lardy janyn salyp, berilip oryndady. – Biz Astana jáne Shym­kent qalasynda konsert berdik. Qazaq­stanǵa alǵash kelýimiz. Shymkent­tikter meni tań-tamasha qaldyrdy. Sizderdiń qoldaýlaryńyz, aq nıetterińiz meniń keýdeme qýanysh toltyrdy. Men muny umyta almaımyn. Aıtqandaı, ıtalııalyqtar men qazaqstandyqtar óte uqsas eken. Bizdi joǵary temperament, dostyq jáne as mázirine darhandyq birik­tiredi. Al jergilikti mýzykanttarmen birlesip konsert berý esimnen eshqashan shyqpaıdy. Qazaqstan men úshin úlken jańalyq boldy. Bul elge áli talaı kelemin, – dedi ol. Baqtııar TAIJAN, «Egemen Qazaqstan». Ońtústik Qazaqstan oblysy.