Eń aldymen biliktiligi men tájirıbesi eskeriledi

Elimizde «Memlekettik qyzmet týraly» Zań qabyldanyp, bıylǵy jyldyń 1 qańtary­nan qoldanysqa engizildi. Iаǵ­nı, Qazaq­standa memlekettik qyzmetti damy­týdyń jańa kezeńi bastaý aldy. Memlekettik apparattyń tıimdiligin arttyrýda qolǵa alyn­ǵan sharalar júıeni jandandyratyn bolady. Eń bas­tysy – ákim­shilik memlekettik qyz­met­shiniń mansaby onyń biliktiligi men jı­naqtaǵan táji­rı­besi esepke alyna oty­ryp quralady. Mansaptyq satynyń ár bas­pal­daǵynda ol óziniń ká­sibı ja­ram­­dylyǵyn dá­lel­­dep otyrýy qa­jet. Memlekettik qyz­met salasyn je­til­dire otyryp, jem­­qorlyqty azaıtýǵa qol jet­ki­­ziledi. Bir sóz­­ben aıtqanda, mem­lekettik qyz­metshilerge talap kúsheı­tiletin bolady. Sondaı-aq, memlekettik qyz­metshiler ortasynda etıkalyq normalardy bu­zýǵa ákeletin já­ne jem­qorlyq quby­lystar týyndatatyn jaǵdaılardyń aldyn alý boıynsha qa­tań sha­­ralar qaras­ty­rylǵan. Memlekettik qyz­metshilerdiń jumys pen turmystaǵy jú­ris-turysynyń qa­lyp­tary reglamenttelgen memlekettik qyz­metshilerdiń ja­ńa Etıkalyq ko­dek­si jasaqtaldy. Endigi kezekte memlekettik qyz­metshiler tek qyzmetker ǵana emes, halyq arasynda bedeldi jáne úlgi tutatyn tulǵalarǵa aınalýy tıis. Ult Josparyndaǵy birinshi reformanyń máni memleketti kásibılendirý bolyp tabylady. Demek, «100 naqty qadamnyń» alǵashqy 15 qadamy memleketti kásibılendirýge baǵyttalǵany beker emes. Sebebi, memleketti kásibılendirýden bastalatyn osy reforma turǵyndar­dyń eko­­­­nomıkalyq jáne azamattyq belsendilikterin arttyrýǵa qýatty serpin beretin bolady. Jalpy alǵanda, biz ózimizdiń qazaq­standyq armanymyzǵa tyń serpilis jasaı otyryp, damyǵan 30 eldiń qataryna ený maqsatymyzǵa jetemiz dep senemin. Ǵalym TURSYNBAEV, Memlekettik qyzmet isteri mınıstrliginiń Jambyl oblysy boıynsha departamenti basshysynyń orynbasary. Taraz.