Qos partııa

Ortalyq saılaý komıssııasyna  óz tizimderin usyndy Keshe «Aýyl» halyqtyq-demokratııalyq patrıottyq partııasy QR Ortalyq saılaý komıssııasyna partııalyq tizimin tirkeýge usyndy. Partııa partııalyq tizimdi tirkeý úshin Ortalyq saılaý komıssııasyna saılaý zańnamasyna sáıkes saıası partııanyń Qazaqstan Respýblıkasy Ádilet mınıstrliginde tirkelgeni týraly qujattyń kóshirmesimen qosa, «Aýyl» halyqtyq-demokratııalyq patrıottyq partııasynyń partııalyq tizimdi usyný týraly kezekten tys XII seziniń hattamasynan úzindi kóshirme, partııalyq tizimge engizilgen azamattardyń tizimge engizýge kelisimi týraly ótinishteri, partııalyq tizimge engizilgen árbir adamnyń ómirbaıandyq derekteri, salyq organynyń partııalyq tizimge engizilgen kandıdattardyń jáne olardyń jubaılarynyń tabysy men múlki týraly deklarasııa tapsyrǵany týraly anyqtamalary, saıası partııanyń saılaý jarnasyn engizgenin rastaıtyn qujat, partııalyq tizimge engizilgen adamdardyń «Aýyl» halyqtyq-demokratııalyq patrıottyq partııasynda músheligin rastaıtyn qujattardy tapsyrdy. «Keshe, 1 aqpan kúni «Aýyl» ha­lyqtyq-demokratııalyq pat­rıot­tyq partııasy óziniń kezekten tys HII sezin ótkizdi. Sol alqa­ly jıyn­da biz partııamyzdyń saılaý­ǵa qa­tys­a­tyndyǵyn sheship, kandı­dattardyń tizi­min bekittik. Al búgin saılaý erejesine sáıkes «Aýyl» halyqtyq-demo­kratııalyq patrıottyq partııasy atynan Parlament Májilisi depýtattyǵyna kandıdattardyń partııalyq tizimi men barlyq qu­jattaryn Ortalyq saılaý komıssııa­syna tapsyrdyq», – dedi «Aýyl» partııasynyń hatshysy Bóribaı Jeksenbın BAQ ókilderine bergen suhbatynda. Partııa hatshysynyń habardar etýinshe, partııalyq tizimde 19 adam bar. Olardyń ishinde segiz kandıdattyń ǵylymı dárejesi bar. Beseýi ǵylym doktory, úsheýi ǵylym kandıdaty. Bir kandıdat – Qazaqstan Respýblıkasy Memlekettik syılyǵynyń laýreaty. Partııalyq tizimge tórt ulttyń – qazaq, orys, ýkraın jáne ıngýsh ultynyń ókilderi engen. «Sonymen birge, kandıdattar qatarynda tájirıbeli, óndiriste jumys istegen, bızneste eńbek jolyn jalǵastyrǵan, aýdan, aýyl ákimdikterinde qyzmet atqarǵan azamattar bar. Qoǵam qaıratkerleri de partııalyq tizimge enip otyr», – dedi partııa hatshysy. * * * Keshe Ortalyq saılaý komıssııasyna Qazaqstan Kommýnıstik halyq partııasy da Májilis depý­tat­­tyǵyna kandıdattardyń par­tııa­lyq tizimin tirkeýge tapsyrdy. «Búgin Qazaqstan kommýnıstik halyq partııasynyń kezekten tys H sezi ótti. Onda saılaýǵa qatysý máse­lesi qara­lyp, biraýyzdan maqul­dandy. 22 kommý­nıst partııalyq tizimge kirip otyr. Qazir biz Ortalyq saılaý komıssııasy­na partııalyq tizimimiz ben qajetti qujat­tarymyzdy tapsyryp shyqtyq», – dedi partııanyń hatshysy Turǵyn Syzdyqov. Onyń atap ótýinshe, partııa Or­ta­lyq saılaý komıssııasyna saılaý zań­namasynda kórsetilgen qujattardyń barlyǵyn usynǵan. Endi tıisti zańnamaǵa sáıkes Qazaqstan Kommýnıstik halyq partııasy ótken saılaýda daýys berýge qatysqan saılaýshylardyń jalpy sanynyń jeti paıyzdan artyq daýysyn alǵandyqtan, saılaý jarnasyn tóleýden bosatylady. Álısultan QULANBAI, «Egemen Qazaqstan».