Baýyrlastyq baılanys báseńdemeıdi

Memleket basshysy Nursultan Nazarbaev Túrik Respýblıkasynyń Premer-mınıstri Ahmet Dáýitoǵlymen kezdesti, dep habarlady Qazaqstan Respýblıkasy Prezıdentiniń baspasóz qyzmeti. Kezdesý barysynda ekijaqty ynty­maq­tastyqtyń negizgi baǵyttary, sonyń ishinde saıası únqatysýdy nyǵaıtý men mádenı almasý máseleleri, kólik, energetıka, týrızm jáne ınfraqurylym qalyptastyrý salalaryndaǵy baılanys­tardy damytý jaıy talqylandy. Memleket basshysy A.Dáýit­oǵ­lynyń sapary bizdiń eli­miz­diń syrt­qy saıasatynda Túrkııaǵa qa­tys­ty ba­ǵyt­tyń mańyzdylyǵyn aı­ǵaq­taı­tynyn aıtty. – Bıyl Qazaqstan Táýelsizdiginiń 25 jyldyǵyn atap ótedi. Egemendigimizdiń alǵashqy kúnderinen biz baýyrlas ha­lyqtarymyzdyń jaqyndasa túsýine bar kúsh-jigerimizdi salyp kelemiz. Osy jyldarda Sizdiń eldiń basshylyǵymen tyǵyz jumys júrgize otyryp, biz bir kezderde uzaq ýaqyt boıy úzilip qalǵan Qazaqstan men Túrkııa arasyndaǵy baılanysty qaıta qalpyna keltirdik. Men Túrki keńesiniń qurylýyna bas­tamashy boldym. Búginde Astanada Halyqaralyq túrki akademııasy jumys isteıdi, onda ǵalymdar bizdiń elderimizge ortaq mádenıet pen tarıhty zertteýde. Qazaqstan úshin Túrkııanyń mańyzy óte zor, biz yntymaqtastyq saıasatynan eshqashan bas tartpaımyz, – dedi Nursultan Nazarbaev. Sondaı-aq, Qazaqstan Prezıdenti Túrkııa tóńiregindegi shıelenisken geosaıası jaǵdaıdyń bizdiń elge de áserin tıgizetinin atap ótti. – Búginde qalyptasqan ahýaldan shyǵý joldaryn izdestirý qajet. Bolyp jatqan jaıttardyń kóptegen sebepteri áli de aıqyndalmaı otyr. Sırııa men Iraktaǵy qaqtyǵystar mu­sylmandar arasynda birliktiń joq ekenin kórsetti. Biz súnnıtter men shııtter arasynda bolýy múmkin dep Batys budan ilgerirekte boljaǵan kezeńge taıap keldik. Túr­kııa men Reseı arasyndaǵy qarym-qatynas­tyń kúrdelenýi de biz úshin úlken prob­­lemaǵa aınaldy. Eki el de bizdiń mań­yzdy odaqtasymyz ben serikte­simiz bolyp tabylady, – dedi Mem­leket basshysy. A.Dáýitoǵly Qazaqstanǵa saparyn árdaıym óz Otanyna kelgendeı baǵalaıtynyn aıtty. Sondaı-aq, Túrkııa Premer-mınıstri Qazaqstan halqyn Táýelsizdiktiń 25 jyldyǵynyń bastalýymen quttyqtap, Nursultan Nazarbaevqa ekijaqty qarym-qatynasty nyǵaıtýǵa qosqan zor úlesi úshin alǵys bildirdi. – Qazaqstan men Túrkııa arasyndaǵy qarym-qatynas barlyq baǵyt boıynsha qaryshty damyp keledi. Biz kólik, energetıka jáne ózge de salalarda birlesken jobalardy júzege asyryp jatyrmyz. Saýda baılanystary da nyǵaıýda. Eger Túrkııa – Eýropaǵa ashylǵan «esik» bolsa, Qazaqstan – Túrkııa úshin Eýrazııa keńistigine aparatyn jol, – dedi A.Dáýitoǵly.