Báseke dodasy bastaldy

Qazaqstanda taǵy bir úlken saıası naýqan bas­tal­dy. Májilistegi 107 oryn úshin saıası partııalar báse­keni bastap ketti. Al jergi­likti máslıhattarǵa úmit­ker­ler tirkelip jatyr. Qyzylorda oblysyndaǵy dodany eń birinshi bolyp «Qyzylorda tazalyq» JShS-niń dırektory Talǵat Qulmaǵanbetov bastady. Ol keshe №12 «Ortalyq» saılaý okrýginen qalalyq máslıhatqa úmitker retinde tirkeldi. Úmit­kerdi tirkeý rásimi birneshe mı­nýtqa ǵana sozyldy. Saılaý ok­rýgindegi jumystyń júıeli ári óz zańdylyqtaryn saqtap jumys istep jatqanyn osydan-aq kórýge bolady. Munan soń máslıhat depýtattyǵyna kandıdat jýrnalıs­termen suhbattasty. – Sońǵy jyldary Qyzylorda oblysy qarqyndy damý jolyna tústi. Áleýmettik-ekono­mı­kalyq damý kórsetkishi boıyn­sha elimizdiń mańdaıaldy aı­maqtarynyń birine aınaldy. Sonyń ishinde ózim basshylyq etip otyrǵan «Qyzylorda ta­za­lyq» mekemesiniń de biraz jetistikterge jetkenin aıtqan abzal. Atap aıtar bolsaq, mekemeni zamanaýı tehnologııalyq qural-jabdyqtarmen tolyqtyrdyq. Osynyń arqasynda qaladaǵy jaıaý júrginshiler jolyn, saıabaqtar men kóshelerdi taza ustaıtyn jaǵdaıǵa jettik. Al buryn mundaı jumystardyń bar­lyǵyn adamdar qolmen atqa­ratyn edi,– deıdi ol. Úmitker aımaqtyń ekolo­gııa­lyq ahýalyna basa nazar aýdaratynyn aıtady. Qyzylorda qalasyn kórkeıtý, kógaldandyrý, jasyl jelekke aınaldyrý ba­ǵy­tynda arnaıy baǵdarlama da túzgen. Sonymen qatar, Elbasy «Nur Otan» partııasynyń XVII sezdinde partııanyń saılaýaldy baǵdarlamasyn aıqyndap bergenin, sol boıynsha aýqymdy jumys atqarýǵa bel sheshe kiri­setinin málim etti. Onyń ishinde ha­lyqty áleýmettik jaǵynan qam­syzdandyrý máselesin ne­gizgi baǵyttarynyń biri retin­de qarastyryp otyr. Halyq­tyń qoldaýyna ıe bolyp, más­lı­hat depýtaty bolyp saı­lan­ǵan jaǵdaıda áleýmettik máselelerdiń oryndalýy men mem­leket tarapynan jurtqa jasa­lyp jatqan kómektiń óz dáre­­je­sinde jetýin nazarda usta­maq. Ásirese, az qamtylǵan otbasylar men Uly Otan soǵysynyń arda­gerlerine jasalatyn qam­qorlyqty kóbeıtýge kúsh salmaq. Qalalyq máslıhattyń depýtaty bolýǵa taǵy bir úmit­ker tirkeldi. Ol – «Aqıqat nury» qoǵamdyq birlestiginiń tóraǵa­sy Maratbek Nurjanov. Úmitker №14 «Shuǵyla» saılaý okrýgi­nen saıası dodaǵa túspek. Marat­bek Nurjanov saılaýaldy baǵ­dar­lamasynda ulttyq qundy­lyqtardyń saqtalýy, mádenı muramyzdyń nasıhattalýy sekil­di, taǵy da basqa máselelerdi qam­tyǵanyn aıtady. Erjan BAITILES, «Egemen Qazaqstan». QYZYLORDA.