«Nurly Jol» – jetistikterge kepil

Almatyda qalalyq Kásipkerler palatasynyń uıymdastyrýymen «Nurly Jol – kásipkerlik úshin jańa múmkindikter» atty bıznes-forým ótti Memleket tarapynan jasalyp jat­qan jan-jaqty qamqorlyqtyń nátı­jesinde elimizdegi shaǵyn jáne orta bız­nes qýattanyp, ekonomıka salasynda negizgi donorǵa aınaldy. Almaty qalasyndaǵy ishki jalpy ónimniń 25 paıyzy, salyq túsiminiń 43 paıyzy kásipkerlikten tolyǵyp otyrǵany da búgingi kúnniń shyndyǵy. Forýmdy ashqan Almaty qalalyq Ká­sip­kerler palatasy dırektorynyń orynbasary Qaırat Qudaıbergenov osynaý aıshyqty kór­setkishterge súıene otyryp sóılegen sózinde: – «Nur Otan» partııasynyń kezekten tys HVII sezinde Elbasy Nursultan Nazarbaev jeke kásipkerlikti damytý maqsatyn­da qar­jylandyrý kólemi ósetindigin, mamandardyń biliktiligin kóterý men qaıta daıarlaýǵa aıryqsha nazar aýdarylatynyn erekshe atady. Tutas alǵanda, «Nurly Jol» baǵdarlamasyn júzege asyrý aıasynda taıaýdaǵy jyldary 400 myń jumys ornymen qamtamasyz etiledi, – dedi. Bálkim, sondyqtan da shyǵar, búgingi bas­qosýda, Elbasy júktegen sol mindetterge sáıkes, Almatynyń bıznes qaýymdastyǵyna barynsha qoldaý kórsetý, bolashaq keshendi sharalardy oılastyrý jobalary boı kór­setti. Forýmǵa qatysýshylar «Nur Otan» par­tııasynyń saılaýaldy baǵdarlamasyn júzege asyrý barysyndaǵy shaǵyn jáne orta kásipkerlikti damytýdyń aldaǵy mejelerin qyzý talqylady. Alǵashqy bolyp sóz alǵan «Damý» kásip­kerlikti damytý qory» AQ Almaty fılıalynyń ókili Ermek Ábdibekov halyqaralyq bank uıym­darynan shaǵyn jáne orta bıznesti qoldaýǵa túsken qarjylardyń jumsalý men nesıelik júıelerine keńinen toqtaldy. Búgingi tańda Almaty qalasy boı­ynsha «Jol kartasyna» sáıkes 41 joba júze­ge asyrylýda. Buǵan qo­sym­sha tek qana «Bıznes­tegi áıelder» baǵdar­lamasyna sáıkes 54 joba is-qımyl ústinde ekendigi de atap ótildi. – Qazir kásipkerlikti júregimen qalaǵan árbir janǵa «Daǵdarys qaıda dep emes, jospar qaıda?» dep qyzmet etetin kezeń týdy , – dep sóz bastaǵan Shaǵyn bıznes federasııasynyń tóraǵasy Vladıslav Soı jınalǵandardy bir jelpintip tastady. – Ol úshin «Nurly Jol» árqashan da jetistikterge kepil bolady, – dedi ol taǵy da. «Ekotaksı» kompanııasynyń jetekshisi Maksım Sársenov memlekettiń kásipkerlikti qoldaý úlgisiniń bir kórinisi retinde búgingi tańda Almaty qalasynda 750 taksıdiń tur­ǵyn­darǵa qyzmet kórsetip otyrǵanyn mysalǵa keltirdi. Ári aldaǵy ýaqytta avtomo­bılder sany 1000 danaǵa jetetinine sendirdi. Forým Almaty kásipkerleriniń «Nur Otan» partııasynyń kezekten tys ótken HVII seziniń sheshimderin qoldaıtyndyqtaryn bildiretin úndeý qabyldady. Aıta keter jaǵymdy jańalyq, alqaly jıyn sońynda jas kásipkerlermen sheberlik-sabaqtary ótkizildi. Talǵat SÚIINBAI, «Egemen Qazaqstan». ALMATY. Sýretti túsirgen Iýrıı BEKKER.