Maqsat – máseleniń oń sheshim tabýy

Keshe «Nur Otan» partııasynyń Respýblıkalyq qoǵamdyq qabyldaý bólmesinde azamattardyń jeke máseleleri boıynsha qabyldaýlar ótti. Qoǵamdyq qabyldaý bólmesiniń meńgerýshisi A.Ospanovtyń aıtýynsha, bul jerde azamattarǵa barlyq jaǵdaı jasalypty. Máselen, olarǵa kásibı zań­gerler men advokattardyń, me­dıatorlardyń, bank ombýdsmeni keńesshisiniń tegin konsýltasııa­laryn alý, jazbasha ótinishter berý men olardyń qaralý barysy týraly aqparat alý, e-gov elektrondyq portaly arqyly memlekettik qyzmet túrlerin alý qyzmet túrleri jatady eken. «Jalpy, 2015 jyly «Nur Otan» partııasyna túrli másele bo­ıynsha óz ótinishterimen 89 myń­nan astam azamat keldi. Olar­dyń árbir besinshisiniń kóter­gen máselesi oń sheshimin tapty. Partııa fraksııasyna múshe bolǵan depýtattardyń, memle­ket­tik, quqyq qorǵaý organdary basshy­larynyń qatysýymen 22 myń­nan astam jeke qabyldaý ótki­zildi», – dedi bul jóninde A.Os­panov. Qoǵamdyq qabyldaý bólmesine kelgen azamattardyń 21 paıyzyn jumyspen qamtý jáne eńbek sharttarynyń oryndalmaýy, 18 paıyzyn tur­ǵyn úı men jer, 14 paıyzyn áleýmettik qamtamasyz etý, taǵy 14 paıyzyn turǵyn úı-kom­mý­naldyq sharýashylyq máse­leleri tolǵandyrsa, quqyq qorǵaý or­gandaryna qatysty aryz-sha­ǵymdaryn jetkizgenderdiń sany 11 paıyzdy qurady. «Respýblıkalyq qoǵamdyq qa­byldaý bólmesi turaqty negiz­de Parlament Májilisiniń depý­tattary – «Nur Otan» partııa­sy fraksııasynyń múshe­leri men memlekettik jáne qu­qyq qor­ǵaý organdary basshy­lary­nyń qabyldaýlary uıymdas­ty­ry­latyn, aksııalar men túrli taqy­ryp­tyq jáne kóshpeli qabyl­daý­lar ótkiziletin únqatysý alań­yna aınaldy. Máselen, 2015 jyly partııa fraksııasy depý­tat­tary­nyń qatysýymen – 77, mem­leket­tik, quqyq qorǵaý organdary bas­shylarynyń qatysýymen – 68, onyń ishinde tikeleı mı­nıstrlerdiń qatysýymen 22 qabyldaý ótkizildi. Al zańgerler men advokattar 200-ge jýyq qabyldaý uıymdastyrdy», – deıdi Qabyldaý bólmesiniń meń­gerýshisi. Jalpy, munda aptasyna ózderiniń aryz-shaǵymdaryn, óti­nish­­terin alyp 100-den asa adam ke­ledi eken. Qazirgi tańda elimizde 8000804441 nómiri boıynsha bi­ryńǵaı «Jedel baılanys jelisi» turaqty túrde jumys isteıtin kó­rinedi. Keshe Qoǵamdyq qabyldaý ból­mesine kelgen jandardyń arasynda elordanyń №65-shi mektep-gımnazııasynda deneshynyqtyrý páninen sabaq beretin Quttybek Áskerbek te boldy. Ol 2011 jy­ly memlekettik qyz­metker retinde úı kezegine tirke­lipti. «Men bul jerge jańa baǵ­dar­lama boıynsha, ıaǵnı Qazaqstan ıpotekalyq kompanııasy arqyly arendalyq baspana alýǵa bolady degendi estip keldim. Qoǵamdyq qabyldaýda maǵan mán-jaıdy ba­rynsha túsindirýge tyrysty. «Kon­kýrstar bolyp turady. Saıt­­tan qarap otyrý kerek, eger tir­keý qujattaryńyzdy ótki­ze­tin bol­sańyz, 2 aı kóleminde nemese odan da tez ýaqyt aralyǵynda úı alýǵa bolady», – degendi aıtty. Osylaı deı kele, ol bul jerde óz saýaldaryna tolyqtaı jaýap alǵanyn, baspana máselesi boıynsha aldaǵy kúnnen úmit kútetinin jetkizdi. Láıla EDILQYZY, «Egemen Qazaqstan».