Zııaly qaýymmen júzdesti

О́tken senbi kúni Qazaqstanǵa kelgen jumys babyndaǵy sapary aıasynda Túrik Respýblıkasynyń Premer-mınıstri Ahmet Dáýitoǵly Halyqaralyq Túrki akademııasynyń uıytqy bolyp uıymdastyrýymen qazaq jáne túrik zııalylary, kórnekti ǵalymdar, memleket jáne qoǵam qaıratkerleri aldynda arnaıy dáris oqydy. Astanadaǵy Beıbitshilik jáne kelisim saraıynyń «Besik» zalynda ótken bul alqaly jıynǵa, sondaı-aq, memlekettik laýazymdy tulǵalar, senatorlar, Qazaqstanda tirkelgen dıplomatııalyq korpýstar jetekshileri, JOO rektorlary men BAQ basshylary qatysty. Ǵıbratty jıyndy Túrki aka­demııasynyń basshysy Darhan Qydyráli ashyp, júrgizip otyrdy. Alǵashqy sóz kezegin alǵan mem­leket jáne qoǵam qaıratkeri Myr­zataı Joldasbekov mártebeli meımandy atajurt tórinde quttyqtap, saparynyń oń, qadamynyń qutty bolýyn tilep, qazaq-túriktiń túbi bir týystyǵynyń tereń tamyrlaryn bajaılap aıta kele, bul kezdesýdiń aıshyqty mán-mańy­zyna toqtaldy. – Biz talaı qıyn kezderdi artqa tastadyq. Biraq tilimizdi jáne baýyrlarymyzdy umytpadyq. Qoja Ahmet Iаsaýıdiń basyna barǵan saıyn tebirenemin. Qazaqstan men basqa dos elder táýelsizdik alǵan­da muny áýeli júregimizben, keıin mórimizben tanydyq, – degen A.Dáýitoǵly jınalǵandardy Qazaq­stan Táýelsizdiginiń aldaǵy 25 jyldyǵymen quttyqtady. Odan soń tarıh pen jaǵyrafııa eshqashan ózgermeıtinin eske saldy. Jibek jolynyń boıynda ata-babalarymyzdyń úlken mem­leketteri boı túzegenin, Saraevodan Qytaıǵa deıingi aımaqta turatyn halyqtar túrki tilinde sóıleıtinin tilge tıek etti. Olaı bolsa, qazirgi negizgi maqsattardyń biri – dostyq pen týystyq aıasynda kólik jáne energetıka arqyly aımaqtar men elderdi bir-birimen baılanystyrý. Osy rette, Túrkııanyń kemejaılary Qazaqstannyń kemejaılary bolady. – 25 jyl buryn Astanaǵa kelgen bolsańyz, shaǵyn qalashyq kórer edińiz, – dedi mártebeli meıman. – Osy qalashyqtyń búgingideı jarqyn sáýletke ıe bolýy túrki áleminiń aqsaqaly Nursultan Nazar­baev pen qazaq halqynyń úlken jetistigi. Bul eldiń úlken múmkin­dikteri bar. Eýrazııany beıbit­shilik keńistigi jasaýymyz qajet. Osy rette Túrkııa men Qazaq­stan óz baǵyty men maqsaty bar turaqtylyq mekeni. Qazaq pen túriktiń áleýetin qossaq, aıtar­lyqtaı ekonomıkalyq jetistikke jete alamyz. ...Osy sıpattaǵy mazmundy dáristi jınalǵandar yqylaspen tyńdady. Halyqaralyq Túrki akademııasy professorynyń mantııasy retinde jabylǵan qundyz bórikti qazaq shapany Túrik Premerine bek jarasty. Qorǵanbek AMANJOL, «Egemen Qazaqstan».