«Transtelekom» kórmege qyzmet kórsetedi

Sársenbi kúni «Astana EKSPO-2017» ulttyq kompanııasy» AQ jáne «Transtelekom» AQ seriktestik memorandýmyna qol qoıdy. Sóıtip, «Transtelekom» kompanııasy «Kórme seriktesi» mártebesine ıe boldy. «Transtelekom» – elimiz­diń iri IT jáne baılanys ope­ratorlarynyń biri. Ol telekommýnıkasııa, aqpa­rattyq kommýnıkasııa salasynda keń aýqymdy qyzmet kórsete alatyn biregeı kompanııa, sondaı-aq, IT ıntegrator bolyp tabylady. «Qazaqstandyq kompanııanyń ınnovasııalyq jobalardy sátti júzege asyryp jatqandyǵy kóńil qýantady. «Transtelekomnyń» aýqymdy fılıaldyq júıesi bar, ol búkil Qazaqstan aýma­ǵynda EKSPO kórmesiniń keń taraýyna yqpal etedi. Son­dyqtan bizdiń jobamyzǵa «Trans­telekom» syndy aldyńǵy qa­­tarly kompanııalardyń qa­tysýy elimizdiń bolashaqqa degen senimin nyǵaıtyp, Elbasy tapsyrmasynyń oryndalýyn qamtamasyz etedi», dedi óz sózinde «Astana EKSPO-2017» UK» AQ basqarmasynyń tór­aǵasy Ahmetjan Esimov. «Halyqaralyq mamandan­dy­­rylǵan EKSPO-2017 kórme­si­niń resmı «IT seriktesi» bolý «Trans­telekom» úshin úlken már­tebe. Búgingi tańda «Trans­te­lekom» aksıonerlik qoǵamy «As­tana EKSPO-2017» ulttyq kom­panııasymen birlesip jumys isteýde. Biz is-sharanyń máni men mańy­zyn túsine otyryp, oǵan úlken jaýap­kershilikpen qaraımyz», dedi kompanııa pre­zıdenti Dáýren Pishembaev. Aldaǵy ýaqytta «Astana EKSPO-2017» ulttyq kompanııa­sy men «Transtelekom» AQ halyq­aralyq kórmeni ótkizý baǵytynda birlesken is-shara­lardy júzege asyratyn bolady. Son­daı-aq, «Transtelekom» AQ EKSPO-2017 kórmesi barysynda «Uıym­dasty­rýshylar keńsesin» telefon jáne ınternetpen qamtamasyz etip, sheteldik qatysýshylar úshin VPN qol­jetimdiligine tehnıkalyq turǵy­dan jaǵdaı jasap, kórme qonaq­taryna búkil kórme ótetin kezeń barysynda ınternet jelisin usynady. Halyqaralyq kórmeni ótki­zýge 10-nan asa iri kompanııa ta­rtylyp otyr. Olardyń qata­rynda: NCOC, Shell, Samsung, Eır Astana, CISCO, Saint-Gobain, «Qazkommersbank» AQ, «Samuryq-Energo» AQ, «Qaz­poshta» AQ jáne t.b. bar. «Egemen-aqparat».