Jumys, tamaq – turaqtylyq kepili

Sársenbi kúni ót­ken Úkimettiń ke­ńeıtilgen otyrysynda Memleket basshysy dál qazirgi syndarly shaqtaǵy el aldynda turǵan mańyzdy mindetterdi saralap berdi. Ásirese, Elbasy 2016-2018 jyldarǵa arnalǵan daǵdarysqa qarsy is-qımyl jos­pary aıasyndaǵy basym baǵyttaǵy min­detterdiń biri – qarjy turaq­ty­lyǵyn qamtamasyz etýge basa kóńil bóldi. Dál qazirgi qarjy daǵdarysy kezinde Ulttyq bank ustanǵan saıasattyń eldegi jaǵdaıdy qadaǵalap otyrýǵa, jedel sheshimder qabyldap, is-áreket etýge tıgizer yqpaly zor. Búgingi kúnniń shyndyǵyna kóz júgirter bolsaq, jýan jińishkerip, jińishke úzilgeli tur. Osy arada jedel qımyldamasaq – opyq jeı­tinimiz anyq. Sondyqtan da, Mem­leket basshysynyń syr bere bastaǵan salalarǵa qosymsha qarajat bólý jóninde der kezinde oń sheshim qabyldady dep sanaımyn. Jalpy, qazirgi tyǵyryqtan alyp shyǵar joldy nusqaıtyn «Nurly Jol» jáne ındýstrııalandyrý jónindegi memlekettik baǵdarlamalarǵa arqa súıegen abzal. Al endi, munaı baǵasy arzandap, shıkizatqa degen suranys tómendegen kezde aldyńǵy qatarǵa agroónerkásiptik ke­sheni shyǵyp, Úki­mettiń oǵan degen qol­daýy burynǵydan da arta túskeni jón. Álbette, jal­ǵyz ǵana aýyl sharýa­shy­lyǵymen ushpaqqa shyqpasymyz belgili. Bul rette shaǵyn jáne orta bıznesti qoldaý, ekonomıkany ártaraptandyrý isi de óziniń mańyzdylyǵyn joǵaltpaıdy. Eldiń damý kórsetkishiniń biri – turǵyn úı qurylysynyń barysy ekendigi sózsiz. Bul salanyń órken jaıýy úshin «Nurly Jol» baǵdarlamasy boıynsha 360 mlrd. teńge bólý jóninde tapsyrma berildi. «Bul jumystardyń jaýapkershiligi osy qyzmet júrgiziletin óńirdiń ákimderine tikeleı júkteledi. Bas­pana quny áleýmettik sıpatta bolýǵa tıis ekendigine aıryqsha nazar aýdar­ǵym keledi», degen Elbasy sózi baspanaǵa zar bolyp júrgen áleý­mettiń júregine úmit otyn jaqty. Memleket basshysy elimizdegi jumyspen qamtý syndy ózekti máselege de erekshe toqtaldy. Ras, búgingi halyqqa keregi turaqty jumys, ýaqtyly eńbekaqy. Turmys turaqtylyǵynyń kepili de osylar. Qýanarlyǵy sol, bizdiń elimizde osy baǵytta kóptegen jumystar atqarylyp jatyr. Qıynshylyqtyń órshı túskenine qaramastan bizdegi jumys oryndarynyń saqtalyp, tipti jańa jumys oryndarynyń paıda bolyp jatqany osy sózimizge dálel. Daǵdarystyń zamany Elbasynyń kezinde Ulttyq qordy quryp, eldiń bolashaǵyna tóner qaýipterge erteden qam jasaǵan kóregendigin ras­tap otyr. Ulttyq qordan der kezinde demeýdiń bolǵandyǵy, zeı­netaqy júıesin jáne jalpy ekonomıkany reformalaý, odan keıin teńgeniń erkin baǵamyna kóshý syndy sharýalardyń jemisi el tirligi men tynyshtyǵynyń shaıqalmaýyna ıgi áserin tıgizgeni daýsyz. Iá, turmys turaqty bolýy úshin bizge ekonomıkalyq árekettermen birge sabyr, birlik jáne bilim aýadaı qajet. Jumaǵalı MAǴZIEV, Qaraǵandy qyzmet kórsetý jáne tehnologııa kolledjiniń dırektory. QARAǴANDY.