Ákim múgedek balaǵa arba syılady

«Ákim bol, halqyńa jaqyn bol» deıtin danalyq Aqmola oblysyna qarasty Arshaly aýdanynyń ákimi Jomart Nurkenovke qa­ratyp aıtylǵan ba dep qalasyń. Jaqynda ol el aralap júrip, Saryoba aýylynda sá­bı kúninen múgedek on úsh jasar Qaırat Eleý­sizge óz qarajaty esebinen múgedekter arbasyn syılady. Osylaı «besikten beli shyqpaı jatyp» taǵdyrdyń zaryn tartqan jasóspirimge janashyr bolyp, oǵan izgilik tanytty. «Qýanyshymyzda shek joq. Múgedek jandy kútken jan ǵana adam taǵdyrynyń qandaı qıyn ekenin túsinedi. Balamyzdyń óz qatarlastarynan kemdik kórgeni janymyz­ǵa batyp, júregimizdi aýyrtady. Amal ne, taǵdyrdyń tezine kim qarsy tura alsyn», – dep muńaıady Qaırattyń ákesi Sarshal Eleýsiz. Sosyn ákimge degen óziniń rızashylyǵyn bildirip, alǵysyn joldady. Endi kóńil kir­bińine shýaq uıalaǵan Qaırat ta bir sát muń-nalasyn umytyp, júzine kúlki úıirildi. Biz de qosa qýandyq. Baqbergen AMALBEK, «Egemen Qazaqstan». Aqmola oblysy. Arshaly aýdany.