Súıenerge jaraıtyn ul

Ákimder azyq-túlik tap­shylyǵyn boldyrmaımyz, taýarlardyń baǵasyn kótert­kizbeımiz degenimen, «úıdegi kóńildi bazardaǵy naryq buzadynyń» keri kelip tur. Bylaı aıtqanda, respýblıkadaǵy jylyjaılardyń 87 paıyzy ońtústikke tıesili dep keýde urǵanymyzben, sol jylyjaılarda ósirilgen qyzanaqtyń kelisi 1000-1200 teńge aralyǵynda, qııar 600-700 teńge aralaǵynda satylyp jatyr. Kerisinshe, ózimizde óndiriletin keıbir taýarlar baǵasy burynǵysynan tómendegeni baıqa­lady. Halyq kóp tutynatyn jylqy, sıyr jáne qoı etterinde baǵa qalypty. О́sý joq, tómendeý bar. Japon halqy qatty baǵalaıtyn bódeneniń bir jumyrtqasy 20 teńgeden saýdalanar edi, qazir 15 teńgege deıin túsip ketti. Qysqa qaıyrsaq, baǵa myń qubylyp tur. Kóptegen azyq-tú­lik syrttan ákelinetindikten ba­ǵa­sy qymbat. Satýshylar mu­nyń bir sebebin bazardaǵy jalǵa al­ǵan orynnyń qymbattyǵymen túsindiredi. Osyndaıda, kásipker Qaırat Balabıevtiń azamattyǵyn halyq ystyq yqylaspen aıtyp júredi. Qaırat Raqymuly Ońtústik Qa­zaq­­stan oblysy bazarlar as­so­sıasııa­synyń prezıdenti. О́tken jyldyń tamyz aıynda álemdik daǵdarystyń alǵashqy tolqyny soqqanda jurt abdyrap qalǵan. Shymkent qalasynyń áki­mi Ǵabıdýlla Ábdirahımov kásip­kerlerdi shuǵyl jınap, kún tárti­bine baǵany ósirmeý máselesin sheshýdi qoıǵan. Mundaıda sóz bastaý qıyn. Kim óziniń nanyna maı jaǵyp jeýden aıyrylady. Qaırat Raqymuly tosylǵan joq. Bazardaǵy saýdagerlerden úsh aıǵa deıin aqy alynbaıtynyn aıt­­qan. Ońtústik Qazaqstan oblystyq ba­­zar­lar assosıasııasyna 40 bazar múshe bolyp kirgen. Olar­dyń deni eleńdep, qulaqtaryn qaǵyp qaldy. Keıbirinde «biz úshin syrtymyzdan sheshetindeı sen qandaı dóısiń?», degen suraq ta bar edi. «Men ózime qarasty bazarlar týraly aıtyp otyrmyn», dedi Qaırat. Sodan soń bir mezetke qýaryp-sazaryp qalǵan talaı betke qan júgirgen. Sol jolǵy májiliste usaq jáne iri taýar óndirýshi kásiporyndar, iri dúken ıeleri, jalpylaı alǵanda, eki júzge jýyq bıznes ókilderi baǵany retteý, shekten tys ósirmeý jóninde memorandýmǵa qol qoıǵan. Árıne, ózine qarasty bazar­lardaǵy myńdaǵan satýshydan úsh aıǵa deıin jaldyq aqysyn almaý Balabıevke shybyn shaqqandaı áser etpedi desek, jalǵan bolady. Ol – iri bıznes ókili. Sonshama dúnıeni tolaıymen kóterip kelip syıǵa tartqan eshkim joq. Iri bank­ter­men, iri nesıemen ju­mys jasaıdy. Qolynda jumys jasap jatqan qyzmetkerlerin qys­­qartpaı, aılyǵyn ýaqtyly tólep otyrǵanynyń ózi – mynadaı zamanda erlik. Úsh aı boıy satýshy­lardan aqy almaı sonshama jumys ornynyń shyǵynyn ózi tólegenin azamattyqqa qalaı jatqyzbaısyń. – Men bıznesti óz elim, óz je­rimde jasadym, – deıdi Qaırat Ra­­qym­uly. – Árıne, bári ońaı keldi deı almaımyn. Biraq, Elba­sy Nursultan Ábishulynyń qolda­ýyn qatty sezindik. Memleket bas­shysy qazaq jigitteriniń ózge eldiń beldi kásipkerleri­niń qata­ryna teńelýin tiledi, qıyn jerde qoltyǵymyzdan demep otyrdy. Memlekettik qol­­daýdyń ar­­­­­qa­­synda bızneste nesibemiz kóterilgen biz álemdik daǵdarys kezinde qalaı syrtta qalamyz? Daǵdarys ótedi de ketedi. Ormandaı el qalady. Qa­zaq memleketi ata-ba­ba­myz ar­mandaǵandaı Máńgilik Elge aınalady. Osyndaı uly maq­­satty baǵyndyrý úshin biz El­basy­nyń qasynan tabylýymyz kerek. Zań ǵylymdarynyń doktory, belgili kásipker Qaırat Bala­bıev­tiń ustanymy osyndaı. Ol myńdaǵan júdeý kóńilder­diń kókiregine úmit otyn jaǵyp júr. Qıyn shaqta qolushyn sozady. Kórip, sezip júrmiz. Men osylaı ja­sadym demeıdi. Kentaýda aǵaıyndarymen birigip jamaǵatqa atty kisi túsip qaraıtyndaı meshit te salyp berdi. Aıtqandaı, «Egemenniń» de shynaıy janashyry. Qaraýyn­daǵy qyzmetkerlerine túgel der­lik óz qarjysyna jazdyryp be­redi. «Qazaqtyń bas gazeti bar sha­ńy­raqta bolýy kerek», deıdi eliniń kósegesi kógergenin shyn nıetimen tileıtin jaısań azamat. Baqtııar TAIJAN, «Egemen Qazaqstan». Ońtústik Qazaqstan oblysy.