Qaıyrymy mol azamat

Qalaǵa qarasty Qarǵaly aýy­lyndaǵy «Arystanǵalı» shar­ýa qojalyǵynyń jetekshisi Qa­ıyrǵalı Arystanǵalıevti Aqtóbeniń Atymtaı jomarty dese de bolǵandaı. Sharýa qo­ja­lyǵynyń jumysyn júıege tú­sirip, adamdarǵa jumys taýyp berip otyr. Joldasy Roza kóp jyldar bank salasynda jemisti eńbek etti. Qazir «Gaýhar» atty meı­ramhanaǵa, avtokólik jýý ornyna, dúkenge basshylyq jasaıdy. Uly Dáýlettiń de je­ke isi bar, kelini Albına bank­te qyz­­met etedi. О́z sózimen aıt­saq, shúkirshilik deýge keledi. Shyn­dyǵynda, áńgime Qaıyr­ǵalıdyń tabysynda da emes, bas tirep kel­genderdiń taýyn qaıtar­maıtyn qaıyrym­dylyǵynda deý oryndy bolmaq. Odan basqa, «aýyrdyń ústimen, jeńildiń astymen» óıtip-búıtip baıyp alyp, shirenip júr­gender az ba? Al Qaıyrǵalı Arys­tan­ǵalıev­tiń ustanymynan ulaǵat pen qaıyrymdylyq qatar óriledi. Ana bir jyldary ózimen nıet­tes kásipker «Izbas» JShS dırektory Batyrbek Izbasqanovqa ótinip júrip Qarǵaly aýylynda meshit salýǵa, osy eldi mekendegi bir kóshege qatty jamylǵy tó­seýge uıytqy boldy. Isi ońǵarylyp, tabysy molaıa kele qaıyrymdylyq jasaý­ǵa burynǵydan da basa kóńil bóle bastady. 2006 jyldan beri ataqty kompozıtordyń ar­ýaǵymen ajyramastaı tabysyp, talantyna da, azamattyǵyna da tánti bolýmen keledi. Jyl sa­ıyn ózi demeýshilik jasap, «Án ǵumyr» atty Shámshi ánderiniń baı­qaýyn uıymdastyrady, kom­pozıtordyń týǵan kúni – 15 qyr­­kúıekte dastarqan jaıyp, ádemi shara ótkizedi, al qaıtys bolǵan kúni – 29 aqpanda as berip, arýaǵyna quran baǵyshtatady. Shámshi Qaldaıaqovtyń týǵan-týysqandarymen baılanys ja­sap, habarlasyp turýdy qa­zaq valsiniń koroline degen qur­met dep esepteıdi. Burynǵy Alek­sandrovka aýylynyń Shámshi Qaldyaıaqov atalýyna da bir adamdaı astalysty. Osy aýylda Shámshi Qaldaıaqov atyndaǵy saıabaq ashýǵa muryndyq boldy, onyń aınalasyn qorshap, aǵash kóshetterin otyrǵyzdy, kom­pozıtordyń eskertkish-músinin ornatty. О́tken jy­ly qazaq valsi koroliniń 85 jyl­dyǵyn aıryqsha atap ótti, joldasy Jámıla men balalaryn shaqyryp, festıval uıymdastyrdy. Osy aýylǵa óz qarjysyna saıabaqpen irgeles jerden eń­seli de sáýletti meshit salyp, paı­­­­dalanýǵa berdi. Ony ustaý shyǵyndaryn da ózi kóterip otyr. Jylýy bar, gaz, elektr qýaty kelip tur. Bul meshit osyndaǵy ımandylyq uıasy bolyp, halyqqa rýhanı qyzmet etýde Aǵaıyn dese aldyndaǵy asymen ortaqtasýǵa daıyn aqjúrek jigittiń qaıyrymdylyǵyna qalyń jurt tánti. Ol jetim-jesirler­ge, qarttar men múgedekterge, az qamtylǵandardyń muń-muq­tajyna qaraılasýdy óziniń aza­mattyq paryzy sanaıdy. Jyl saıyn qarttar kúnine «Gaýhar» meıramhanasynda dastarqan ja­ıyp, qarııalardyń batasyn alady. О́zi turatyn Qarǵaly aýylyndaǵy №53 orta mektepte oqıtyn az qamtylǵan otbasy balalaryna demeýshilik jasaıdy, bilim ordasyn da qoldap otyrady. «Geolog» mádenıet úıi janynan qurylǵan «Asyl ájeler» ansambliniń turaqty qoldaýshy-demeýshisi de ózi. Al sport jarystaryna, sport­shylarǵa demeýshilik jasaý tól mindeti ispeti. Qaraqan basynyń qamyn ǵana emes, qataryndaǵylardyń bar­lyǵynyń baqýatty bolýyna tilektes júregi taza, jany jomart jannyń qoly da ashyq. Sondyqtan bolar, ony biletinder, qarǵalylyqtar «Qaırosh» dep ketken Qaıyrǵalı Arystanǵalıevti tek isker kásipker ǵana emes, naǵyz azamat retinde qurmetteıdi. Men kómek berdim, demeýshilik jasadym dep jatqan ol joq. Qo­lyndaǵymen bólisýdi kóki­regine quıyp óskendikten de bolar, osylaı bolýy zańdy dep qabyldaıdy mundaı sharýlardy o bastan. Satybaldy SÁÝIRBAI, «Egemen Qazaqstan». Aqtóbe oblysy.