Qazaqstan Respýblıkasy Úkimetiniń qaýlysy №44

2016 jylǵy 2 aqpan,   Astana, Úkimet Úıi Indýstrııalyq-ınnovasııalyq qyzmet sýbektilerine qarjy ınstıtýttary arqyly kredıt berý sharttary men tetikterin bekitý týraly 2015 jylǵy 29 qazandaǵy Qazaqstan Respýblıkasy Kásipkerlik kodeksiniń 260-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan ındýstrııalyq-ınnovasııalyq qyzmet sýbektilerine qarjy ınstıtýttary arqyly kredıt berý sharttary men tetikteri bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2016 jylǵy 2 aqpandata №44 qaýlysymen bekitilgen Indýstrııalyq-ınnovasııalyq qyzmet sýbektilerine qarjy ınstıtýttary arqyly kredıt berý sharttary men tetikterin 1. Indýstrııalyq-ınnovasııalyq qyzmet sýbektilerine kredıt berý sharttary 1. Indýstrııalyq-ınnovasııalyq qyzmet sýbektilerine kredıt berý sharttary: 1) qarjy agentiniń kredıt berýge qatysý mólsheri joba smetasy somasynan 80 % (seksen paıyz) aspaıdy; 2) kredıt berý jıyrma jyldan aspaıtyn merzim bolyp tabylady. 2. Kredıt berý ulttyq valıýtada júzege asyrylady. 2. Indýstrııalyq-ınnovasııalyq qyzmet sýbektilerine kredıt berý tetikteri 3. Qarjy agenti ındýstrııalyq-ınnovasııalyq qyzmet sýbektilerine kredıt berýdi júzege asyratyn qarjy ınstıtýttarynyń tizbesin jalpynyń nazaryna buqaralyq aqparat quralynda aqparat ornalastyrý arqyly jetkizedi. 4. Indýstrııalyq-ınnovasııalyq qyzmet sýbektilerine kredıt berýge qatysý úshin qarjy ınstıtýty qarjy agentiniń talaptaryna sáıkestigin rastaıtyn, tıisti ótinishpen jáne qujattarymen qarjy agentine júginedi, olardyń tizbesi bas kelisimde kórsetiledi. 5. Qarjy agenti ındýstrııalyq-ınnovasııalyq qyzmet sýbektilerine kredıt berýge qatysý úshin qarjy agentiniń ishki qujattarmen belgilengen merzimde qarjy agentiniń qujattaryn qaraıdy jáne bas kelisim jasasýdy maquldaý týraly nemese qarjy ınstıtýtyna bas tartý týraly sheshim qabyldaıdy. 6. Bas kelisim mynadaı eleýli sharttardy qamtýy tıis: 1) bas kelisimniń máni men qoldanylý merzimi; 2) bas kelisiminiń somasy (ındýstrııalyq-ınnovasııalyq qyzmet sýbektilerine kredıt berýin iske asyrý úshin qarjy ınstıtýtynda qarjy agentiniń qarajat ornalastyrý somasy), olardy ornalastyrý merzimderi men tártibi; 3) kredıt berý maqsaty; 4) kredıt berý iske asyrý sharty; 5) taraptardyń quqyqtary men mindetteri; 6) táýekelderdi berý, problemaly kredıttermen jumys, daǵdarystan keıin qyzmet kórsetý, qaryz alýshynyń defoltyn moıyndaý, qaryzdy qaıta qurylymdaý jáne ótinish berýshiniń merzimin uzartý, qaryz alýshyny defolt dep tanyǵan jaǵdaıda bereshekti óndirip alý jáne qaıtarý máselelerin qosa alǵanda, taraptardyń ózara is-qımyldarynyń sharttary men tártibi; 7) bas kelisimniń qoldanysyn toqtatý, qoldanysyn uzartý negizdemesi men tártibi. 8) taraptardyń jaýapkershiligi. 7. Qarjy agenti jasalǵan bas kelisimderdiń esebin júrgizedi. 8. Qarjy ınstıtýtynda ornalastyrylýǵa jatatyn soma bas kelisimde kórsetilgen shotqa qarjy agentimen aýdarylady. 9. Indýstrııalyq-ınnovasııalyq qyzmet sýbektilerine kredıt berý úshin qarjy ınstıtýty osy sharttar men tetikterdiń 13-tarmaǵynda kórsetilgen shottaǵy qarjy agenti ornalastyrǵan qarajatty paıdalanady. 10. Qarjy ınstıtýty ındýstrııalyq-ınnovasııalyq qyzmet sýbektilerine kredıt berý boıynsha ornalastyrylǵan qarajat ıgerý boıynsha qarjy agenti aldynda esep beredi. Esepter berýdiń tártibi, nysany jáne kezeńdiligi bas kelisimde belgilenedi. 11 Igerilgen qarajat dep osy sharttar men tetikterge sáıkes ındýstrııalyq-ınnovasııalyq qyzmet sýbektilerine kredıt berýge naqty qarjy ınstıtýty jibergen qarajat esepteledi. 12. Indýstrııalyq-ınnovasııalyq qyzmet sýbektisi qarjy ınstıtýtyna kredıt berýge arnalǵan ótinish berý jolymen kredıt alý úshin qarjy ınstıtýtyna júginedi jáne qarjy ınstıtýtynyń ishki kredıttik rásimderge sáıkes qujattardy usynady. 13. Qarjy ınstıtýty óziniń ishki normatıvtik qujattarynda belgilengen merzimderine, aldyn ala kredıt berý bolyp tabylatyn nemese kredıt berýden bas tartý týraly sheshim qabyldaıdy. Qarjy ınstıtýtynyń sheshimderi ýákiletti organnyń/ýákiletti organdarynda tıisti otyrys hattamalarymen resimdeledi. 14. Qarjy ınstıtýtynyń kredıttik saıasatyna boıynsha kredıt berýden bas tartý júzege asyrylady. 15. Qarjy ınstıtýty úshin kredıt berýdiń qol jetimdilik kezeńi bas kelisimmen anyqtalady. 16. Qarjy ınstıtýty banktik qaryz shartyn jasaǵan kúninen bastap 5 (bes) jumys kúninen keshiktirmeı onyń kóshirmesin qarjy agentine jiberedi, sondaı-aq ózderiniń jasalǵan banktik qaryz sharttarynyń esebin júrgizedi. Qarjy agenti barlyq qarjy ınstıtýttary jasasqan banktik qaryz sharttarynyń esebin júrgizedi. Qazaqstan Respýblıkasy Úkimetiniń 2016 jylǵy 2 aqpandaǵy №44 qaýlysyna qosymsha Qazaqstan Respýblıkasy Úkimetiniń kúshi joıylǵan keıbir sheshimderiniń tizbesi 1. «Indýstrııalyq-ınnovasııalyq qyzmet sýbektilerine qarjy ınstıtýttary arqyly kredıt berý sharttary men tetikterin bekitý týraly» Qazaqstan Respýblıkasy Úkimetiniń 2012 jylǵy 1 tamyzdaǵy № 1012 qaýlysy (Qazaqstan Respýblıkasynyń PÚAJ-y, 2012 j. № 65, 910-qujat). 2. 15-tarmaǵyna «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2013 jylǵy 18 qazandaǵy № 1115 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar (Qazaqstan Respýblıkasynyń PÚAJ-y, 2013 j. № 60, 827-qujat); 3. 23-tarmaǵyna «Qazaqstan Respýblıkasy Úkimetiniń keıbir sheshimderine ózgerister engizý týraly» Qazaqstan Respýblıkasy Úkimetiniń 2013 jylǵy 20 jeltoqsandaǵy № 1363 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin (Qazaqstan Respýblıkasynyń PÚAJ-y, 2013 j. № 72, 951-qujat).