«Habar» telearnasynda «Záýre» serıaly bastaldy

ALMATY. 22 aqpan. «Habar» agenttigi serıaldar óndirisiniń otandyq naryǵynyń damýyna óz úlesin qosýda. Telearnada kóktemgi tusaýkeserdiń biri – «Záýre» teleserıaly kórsetile bastady. Bul týraly egemen.kz tilshisi habarlady. «Záýre» – Kúlbıke týraly ertegi telehıkaıasynyń jelisimen ushtasady. Jańa teleserıalda ógeı shesheniń qyspaǵyna ábden shydap kelgen qyz túptiń túbinde tamasha adamǵa jolyǵyp, baqytty bolady. Telehıkaıada aýylda týyp-ósken Záýre esimdi jas qyz týraly baıandalady. Jurt jaqsy biletin «Zolýshka» ertegisiniń qazaqstandyq nusqasynyń keıipkerin «Odnı ız nas», «Narhoz» jáne «On ı Ona» sııaqty jobalarǵa qatysqan belgili Dınara Baqtybaeva oınaıdy. «On ı Ona» fılmindegi róli arqasynda Dınara jurtshylyqqa keńinen tanylǵan. «Bul barlyq qıynshylyqtardan hanzada qutqaratyn Kúlbıkeniń oqıǵasy emes. Bizdiń oqıǵada meniń keıipkerim bárine óz kúshimen, jigerligimen, talantymen qol jetkizedi», – dedi Dınara Baqtybaeva. Sonymen ssenarıı avtory «Surboıdaq», «Ostorojno, korova!», «Traktorshynyń mahabbaty», «Kokteıl dlıa zvezdy», «VÝZery» sııaqty jobalardyń avtory Asqar Uzabaev. Al rejısseri «Mahabbatym júregimde 2» serıalyn túsirgen Ernar Nurǵalıev. Sondaı-aq telehıkaıada Nurlan Tórehanov, Venera Nıgmatýlına, Aınur Nııazova, Jandos Aıbasov, Artýr Tólepov, Kamalııa Baıtóleýova oınaıdy. Aınash Esalı. Derek: egemen.kz. Sýret: vk.com.