Halyqaralyq keńestiń alǵashqy otyrysy

Keshe Joǵarǵy Sotta Qaırat Mámıdiń tóraǵalyǵymen Qazaqstan Respýblıkasy Joǵarǵy Soty janyndaǵy Halyqaralyq keńestiń alǵashqy otyrysy ótti. Otyrystyń kún tártibine sáıkes ınvestısııalyq daýlar uǵymdaryn anyqtaýdyń tásilderi, sondaı-aq, Ádep kodeksiniń jańa jobasy talqylandy. Onyń jumysyna Halyqaralyq keńestiń músheleri, Joǵarǵy Sottyń jáne Astana qalasy sotynyń sýdıalary, Joǵarǵy Sot janyndaǵy Sottardyń qyzmetin qamtamasyz etý departamentiniń, sondaı-aq, Qazaqstan Sýdıalar odaǵynyń basshylyǵy qatysty. Keńestiń sheteldik múshelerinen Dýbaı Halyqaralyq qarjy ortalyǵy sottarynyń tirkeýshisi, Sot ákimshiligi boıynsha halyq­aralyq qaýymdastyqtyń pre­zıdenti Mark Bıır, Koreıa Res­pýblıkasynyń «Iýlchon» zań kom­panııasynyń ókili Hvachjýn Lı, «Beıker ı Makkenzı – Sı-Aı-Es Lımıted» kompanııasy fılıa­lynyń dırektory, «Shetel ınves­torlarynyń qazaqstandyq keńesi» qaýymdastyǵy basqarmasynyń hatshysy Kýrtıs Masters qatysty. Buǵan qosa, otyrysqa Dýbaı Halyqaralyq qarjy ortalyǵy sotynyń sýdıasy Devıd Stıl sarapshy retinde shaqyryldy. Otyrysty ashqan Joǵarǵy Sottyń Tóraǵasy Q.Mámı keńes múshelerin Joǵarǵy Sot ja­nyndaǵy Halyqaralyq keńes­tiń quramyna saılanýymen qut­tyqtap, kandıdattardy irikteý kezinde olardyń zań salasyndaǵy jáne sarapshylyq qyzmettegi jumys tájirıbesi men bedeliniń es­kerilgendigin atap ótti. «О́tken jyl elimizdiń sot júıesi úshin Mem­leket basshysy «100 naq­ty qadam» Ult Josparynda aıqyn­­daǵan mindetterdi iske asy­rýǵa baǵyttaldy. Endi qazaq­standyq sot júıesiniń aldyn­da sot tóreliginiń, sonyń ishinde, ın­vestısııalyq jáne kom­mer­sııalyq daýlar salasyna ozyq halyq­aralyq standarttardy engizýge baılanysty jańa mindetter tur», – dedi Q.Mámı. Joǵarǵy Sot janynan Ha­lyq­aralyq keńes qurý jáne onyń birinshi otyrysyn ótkizý Ult Jos­parynyń 25-qadamyn táji­rıbe júzinde iske asyrý bolyp ta­­bylady. Joǵarǵy Sot Tóraǵasy otyrys qatysýshylaryna aıtqan sózinde: «Joǵarǵy Sot Keńes mú­shelerinen qazaqstandyq sot­tar­dyń tájirıbesine, norma­shy­­ǵarmashylyq qyzmetine, sondaı-aq naqty ınvestısııalyq daýlar boıynsha sot tóreliginiń halyqaralyq standarttaryn odan ári engizý máseleleri boıynsha sapaly sarapshylyq qorytyndylar kútetin bolady», – dep atap ótti. Búgingi keńeske qatysýshylar bar­lyq máseleler boıynsha ha­lyqaralyq tájirıbege súıene oty­ryp, syndarly pikir almasty. Qatysýshylar ázirlegen usy­­nystar otyrystyń hatta­ma­lyq sheshimderinde kórinis taýyp, sot qyzmetin odan ári jetil­­dirý jónindegi usynym retin­­de qoldanylatyn bolady. Jo­ǵarǵy Sottyń resmı ın­ter­net-resýrsynyń «Halyq­ara­­lyq yntymaqtastyq» aıdary sheń­berinde «Joǵarǵy Sot janyndaǵy Halyqaralyq ke­ńes» atty qosymsha paraq ashyl­dy. Keńes jumysy týraly bar­lyq qajetti materıaldar osy aıdar­da úsh tilde (memlekettik, orys jáne aǵylshyn) ornalastyrylady. Eske sala keteıik, Joǵarǵy Sottyń aǵymdaǵy jylǵy 15 qań­­tarynda ótken jalpy oty­ry­synyń qaýlysymen Halyqaralyq keńes jáne onyń quramy týraly ereje bekitildi. Keńes otandyq sot tóreligi júıesin jetildirý máse­leleri boıynsha sarapshylyq kon­sýltasııalar beredi. Belgili qazaq­standyq ǵalymdardan bólek, onyń quramynda bedeldi shetel­dik zańgerler de bar. Keńes­ti Joǵarǵy Sot Tóraǵasy basqa­rady. Onyń músheleri bir jyl mer­zim­ge saılanady. Otyrys jyly­na keminde eki ret ótetin bolady. «Egemen-aqparat».