Qostanaıda kóktaıǵaqtyń saldarynan 35 adam túrli jaraqat aldy

QOSTANAI. 23 aqpan. Qostanaıda jaýǵan jańbyrdan keıin aınadaı kóktaıǵaq bolyp tur. Bul týraly egemen.kz tilshisi habarlady. Kóktaıǵaq túske qaraı jaýǵan jańbyrdan keıin kúsheıip ketti. Aýylda da, qalada da kósheler a ınadaı, kóliktiń de, júrginshilerdiń de  qozǵalysy qıyndap ketti. Qostanaı qalalyq jáne aýdandardaǵy oqý bólimi ekinshi aýysymda oqıtyn oqýshylardy sabaqtan bosatýǵa májbúr boldy. Kúndizgi saǵat 12:00-den keıin Qostanaı qalasynda avtobýstardyń júrisi tym sırep ketti, avtoparkter jolaýshy avtobýstarynyń ıntervalyn kóktaıǵaqqa baılanysty sozyp otyr. «Kóktaıǵaq jyly aýa aǵysyna baılanysty jaýǵan jańbyrdan keıin oqys qalyptasty. Túnde taǵy da jańbyr aralas qar jaýady, erteń jaýyn-shashyn bolmaıdy. Biraq erteń aýanyń temperatýrasy synap baǵanasynan sál kóterilse de kóktaıǵaq saqtalady», – dedi «Qazgıdromet» Qostanaı bólimshesiniń kezekshi sınoptıgi Tatıana Kosenko. Qostanaı qalalyq aýrýhanasy janyndaǵy travmatologııa beketine tústen keıin kómek surap kelgenderdiń qatary jıilep ketken. «Búgin saǵat 15:00-ge deıin 35 adam túrli jaraqatpen keldi. Biraq ázirge aıtarlyqtaı eshnárse bolǵan joq. Tústen keıin kelýshilerdiń qatary jıileı túskenin aıtýǵa tıispin», – dedi kezekshi travmatolog dáriger. Názıra Járimbetova. Derek: egemen.kz. Sýret: ng.kz.