Qazaqstandyqtar 67 memleketke vızasyz qatynaı alady

ASTANA. 23 aqpan. Qazaqstandyqtar álemniń 67 memleketine vızasyz barý múmkindigine ıe. Osy kórsetkish boıynsha búginde elimiz Henley & Partners Visa Restrictions Index reıtınginde 71-orynda tur. Bul týraly zakon.kz saıtyna silteme jasaǵan egemen.kz tilshisi habarlady. Qazaqstan azamattary Jer betindegi 218 memlekettiń 67-sine vızasyz bara alady. О́tken jyly vızasyz rejim ornatylǵan elder sany 65-ke jetip, atalǵan reıtıngte 72-satyda turǵanymyzdy atap ótken jón. Kórshiles elderden Reseı – 48, О́zbekstan – 58 jáne Ázerbaıjan 75-orynda tur. Al sońǵy oryndarǵa Pákistan, Irak jáne Aýǵanstan jaıǵasqan. Al kósh basynda úshinshi jyl qatarynan Germanııa tur. Atalǵan memlekettiń azamattary 177 elge vızasyz qatynaı alady. Ekinshi orynda 176 elmen vızasyz rejim ornatqan Shvesııa tursa, 175 elge erkin qatynaýǵa qol jetkizgen Fınlıandııa, Fransııa, Ispanııa, Italııa jáne Ulybrıtanııa elderi úshinshi orynǵa taban tiregen. Elaman Qońyr. Derek: zakon.kz. Sýret: m-astana.kz.