KО́KShETAÝ. 23 aqpan. Kókshetaýdyń bıshileri Reseıdegi Samara oblysy gýbernatorynyń «Jemchýjına Povoljıa» sporttyq bı kýbogyn sarapqa salý jarysyna qatysyp, 3 altyn, 2 qola medeldi jeńip aldy. Bul týraly «Aqmola medıa ortalyǵy» baspasóz qyzmetine silteme jasaǵan egemen.kz tilshisi habarlady.
14-shi ret sarapqa salynyp otyrǵan úsh kúndik gýbernator kýbogynyń. «Sporttyq-kópshilik sharalary» dep atalatyn birinshi tobynda búldirshin bıshiler synǵa tússe, «Joǵary sporttyq jetistikter» atalymyndaǵy ekinshi bólimde jalpyreseılik reıtıng deńgeıindegi sportshylar arnaıy júldeni sarapqa saldy.
Tartysty básekede jartylaı fınal men fınalǵa shyqqan sańlaqtar eýropalyq baıaý vals pen fokstrot, tango, Vena valsi jáne latyn-amerıkalyq sambo, cha-cha-cha, rýmba, pasodobl, djaıv bılerin oryndady.
Munda Kókshetaýdaǵy Elmıra Sharıpovanyń jetekshiligindegi «Reverans» sporttyq-bı klýbynyń músheleri tamasha kórsetkishterge jetti. Atap aıtqanda, «Iývenaly» atalymy boıynsha Abaı Zeınolla men Darıa Nıkıfırova eń úzdik kórsetkishti ıemdendi. Sondaı-aq, Vladıslav Maksın men Merýert Ermekova, Nurbek Sultanov pen Alına Bondarenko juptary I orynǵa kóterilse, Bogdan Rýchka men Dalıda Tsenova qola medaldi jeńip aldy. Al, «Jastar» tobynda óner kórsetken Dmıtrıı Shývalov pen Mádına Amanjolova qola medalmen marapattaldy.
Jalpy, barlyq toptyq jarystarǵa Kókshetaýdan kelgen 20 top qatysty.
Baqbergen Amalbek.
Sýret, derek «Aqmola Medıa Ortalyǵy» baspasóz qyzmeti.
