Ár qazaqstandyqtyń bolashaq zeınetaqysy 15 paıyzǵa ósti

ASTANA. 23 aqpan. Ár qazaqstandyqtyń bolashaq zeınetaqysy 15 paıyzǵa ósti. Bul týraly almaty.tv saıtyna silteme jasaǵan egemen.kz tilshisi habarlady. Qazaqstandyqtar 5 trıllıonnan asa teńge zeınetaqy jınaqtady. Al biryńǵaı jınaqtaýshy zeınetaqy qorynyń ınvestısııalyq kirisi 760 mıllıard teńge boldy. Investısııalaýǵa arnalǵan júzdegen mıllıard teńge salymshylarǵa bólinip berildi, osyndaı jolmen ár qazaqstandyqtyń bolashaq zeınetaqysy 15 paıyzǵa ósti. Zeınetaqy aktıvterin biriktirý, sonymen qatar teńge baǵamyna engizilgen túzetýler men qordyń teńgeniń bir bóligin sheteldik valıýtamen ustap otyrýynyń arqasynda paıda túsirdi. «Zeınetaqy aktıvteriniń jumysynan kúndelikti tabylatyn ınvestısııalyq kiris, qazir bar jınaqtalǵan somamen teńdeı dárejede kún saıyn ár salymshylardyń esepshotyna bólinedi. Sizder zeınetaqy jarnasyn neǵurlym kóbirek tólegen saıyn, jınaqtalǵan somalaryńyz joǵary bolsa, soǵurlym ınvestısııalyq kiris sonymen teń dárejede esepshottaryńyzǵa aýdarylyp otyrady», – dedi biryńǵaı jınaqtaýshy zeınetaqy qorynyń basshysy Rýslan Erdenaev. Qazir Qazaqstan yntymaqtastyq zeınetaqy júıesinen jınaqtaýyshtyq júıege ótip jatyr. Iаǵnı 2020 jyldan bastap, jasy jetkenderdiń zeınetaqysy óziniń qanshalyqty aýdarǵanyna baılanysty bolady. Eger osy aralyqta jınaqtaıtyny jetkiliksiz bolsa, óz erkimen qosymsha esepshot ashyp, sonda qarajat aýdaryp otyrýyna múmkindik bar. Biryńǵaı jınaqtaýshy zeınetaqy qory arnaıy esep júrgizdi: 30-40 jyl boıy turaqty túrde aqsha salyp otyrsa, onda elimiz boıynsha zeınetaqy shamamen ortasha aılyqtyń 40 paıyzyn quramaq. Qańtar aıynda ol 127 myńǵa jetýi múmkin. Aıan Ábdýálı. Derek: almaty.tv. Sýret: azattyq.org.