Qazaqstan qoǵamyn uıystyrý mańyzdy

Elbasy Nursultan Nazarbaevtyń tóraǵalyǵymen Qaýipsizdik Keńesiniń otyrysy ótti, dep habarlady Prezıdenttiń baspasóz qyzmeti. Otyrysta Qazaqstannyń Ult­tyq qaýipsizdik strate­gııasynyń 2015 jylǵy júzege asyrylý barysy, sondaı-aq, kóshi-qon saıasatyn júrgizý jaıy qarastyryldy. Nursultan Nazarbaev memleket álemdik ekonomıkalyq daǵ­darystyń teris yqpalyna qara­mastan, moınyna alǵan áleýmettik mindettemelerdi múltiksiz oryndap, qorǵanys qabilettiliginiń, qaýipsizdiktiń jáne quqyq tárti­biniń qajetti deńgeıin saqtap qala­tynyn atap ótti. Qa­zaqstan Prezıdenti ekono­mıkalyq ósimniń qarqynyn báseń­detetin jahandyq faktorlar yqpa­lyn, kórshiles óńirlerdegi dinı-eks­tremıstik jáne terrorlyq sıpattaǵy qaterlerdiń arta túsýin eleýli qaýipter men syn-qaterler qatarynda atady. Memleket basshysy, sondaı-aq, qalyptasqan jaǵdaıda daǵ­da­rys qubylystaryna laıyqty túr­de qarsy turý úshin Qazaqstan qoǵa­myn uıystyrýdyń mańyz­dy­lyǵyn atap ótti. Prezıdenttiń kómekshisi – Qaýip­sizdik Keńesiniń hatshysy N.Ermekbaev óz baıandamasynda memlekettik organdardyń 2015 jylǵy jumys qorytyndylaryna baǵa berýmen qatar, aldaǵy kezeńniń basymdyqtary men mindetterine nazar aýdardy. Ol, sondaı-aq, álemdegi ekonomıkalyq ahýaldyń turaqsyzdyǵy jaǵdaıynda Úkimet pen jergilikti atqarýshy organdar ekonomıkany ártaraptandyrý jáne qazaqstandyqtardyń turmys deńgeıin saqtaý jónindegi sharalardy júzege asyryp jatqanyn atap ótti. N.Ermekbaev quqyq qorǵaý or­gandarynyń qyzmetin budan ári jetildirý, azamattardyń quqyq­taryn qorǵaý jáne qoǵamdyq tár­tipti saqtaý baǵytyndaǵy qadamdar týraly áńgimeledi. Kún tártibindegi ekinshi máse­le boıynsha Densaýlyq saqtaý jáne áleýmettik damý mınıstri T.Dúı­senova jáne Ishki ister mınıstri Q.Qasymov sóz sóıledi. Kóshi-qon úderisterin retteýdiń mańyzdy eki maqsaty bar ekeni atap ótildi. Bir jaǵynan, ekonomıkalyq ósimdi yntalandyrý úshin eńbek resýrstaryn, sonyń ishinde qaıta oralǵan qandastarymyzdy jáne joǵary bilikti sheteldik mamandar legin el ishine júıeli túrde ornalastyrý qajet. Ekinshi jaǵynan, Qazaqstanǵa halyqaralyq terror­lyq toptardyń ıdeologtary men úgit­shileriniń, qylmys álemi ókil­deriniń, zańsyz mıgrant­tardyń kelýine jol berýge bolmaıdy. Otyrys barysynda elimizde Konstıtýsııa boıynsha qos azamat­tyqtyń moıyndalmaıtynyn, soǵan baılanysty mundaı jaǵdaı­larǵa jol bermeý qajet ekeni atap ótildi. Jer telimderin ózdigimen basyp alýdyń, bekitilgen erejeden tys beı-bereket qurylystardyń joly kesilýi tıistigi de aıtyldy. Sonymen qatar, is-sharaǵa qa­ty­sýshylar uıymdastyrylǵan ishki kóshi-qonnyń mańyzdylyǵyna nazar aýdardy. Bul azamattardyń el aýmaǵynda ornalasýdaǵy teń­sizdigin joıýdy, sondaı-aq, Qazaqstannyń áleýmettik-ekono­mıkalyq damý maqsattaryna jetýdi qamtamasyz etedi. Qazaqstan Prezıdenti Qaýip­sizdik keńesi otyrysynyń qory­tyndysy boıynsha Úkimetke jáne múddeli memlekettik organ­dar­ǵa birqatar tapsyrma berip, olar­dyń oryndalýyn baqylaýdy Qaýip­sizdik Keńesi apparatyna júktedi. Sýretti túsirgender S.BONDARENKO, B.OTARBAEV.