Kommýnıster – eldiń joǵyn joqtaýshylar

Keshe Kók­shetaý qalasynda Qa­zaq­stan Kommýnıstik halyq partııasynyń saılaýaldy úgit-nası­hat jumystaryna arnalǵan aı­maq­tyq partııalyq forýmy boldy. Forým «Ortaq isimizdi ońaltaıyq!» degen uranmen ótti. Onda QKHP hatshy­sy Vladıslav Kosarev kom­mý­nıs­terdiń aldaǵy saılaýǵa baratyn baǵ­darlamasyna toqtalyp ótti. «Bizdiń búgingi forýmymyz tekten tek «Ortaq isi­mizdi ońaltaıyq!» uranymen ótip otyr­ǵan joq. Kommýnısterdiń saılaýal­dy baǵdarlamasy osyndaı ataýǵa ıe. Bul baǵdarlama kommýnıstik ıdeologııa­ny damytýǵa, halyqtyń muń-muqta­jyn joqtaýǵa jáne qazaqstandyq pat­rıotızmdi kúsheıtýge baǵyttalǵan», – dedi ol óziniń sózinde. Ári qaraı V.Kosarev baǵdarla­manyń negizgi bólimderine toqtalyp, halyq­tyq kommýnısterdiń ustanym­dary men min­detterine, kommýnıstik tárbıe, «ba­tys­tyq qundylyqtardyń» keri áseri degen máselelerge tereńirek toq­taldy. So­nymen qatar, ol eldegi áleýmettik ádi­let­tiliktiń saqtalýyna kommýnıstik par­tııanyń súbeli úles qosyp júrgenin atap ótti. Besinshi saı­lanymǵa depýtat bo­lyp saılanǵan kom­mýn­ısterdiń osy tarapta úlken jumystar atqarǵanyn da sanamalap berdi. Odan keıin sóz alǵan partııa je­tek­shileriniń biri Turǵyn Syzdyqov marksızm-lenınızm ıdeıalaryna toqtalyp, onyń kommýnıstik partııalardyń bútin, dáıekti ǵylymı kózqarasy ekenin atap ótti. «Kommýnıstik ıdeologııanyń ozyq­tyǵy sonda – ol halyqtyń ál-aýqa­tyn arttyrýdy kózdeıdi, adam­dar­dyń teń turmysta bolýyn qalaıdy. So­nymen birge, barlyq áleýmettik má­se­­le­lerdiń ádiletti jolmen sheshi­lip, adam eńbeginiń laıyqty baǵalan­ǵanyn talap etedi. Mundaı ıdeologııa lı­beraldyq kapıtalıstik qoǵamǵa unama­ǵanymen, halyq osyndaı ádilettik­terdi kútedi. Sondyqtan da bizdiń baǵdarlamamyzdy qoldap, kommýnısterden eldegi eń joǵary ókildi organǵa óz depýtattarynyń bolýyn qalaıtynyna senimdimiz. Biz árqashanda halyq múddesin qorǵaımyz. Partııanyń ıdeologııalyq tujyrymdamasy Karl Markstiń ilimine sáıkes, qoǵam damýyndaǵy jańa faktiler men qubylystardy jınaqtap, qorshaǵan álemdegi ózgerister negizinde únemi damý ústinde», – dep qorytyndylady sózin T.Syzdyqov. Is-sharanyń sońynda qatysý­shy­lardyń bári QKHP búgingi tańda eli­miz­degi asa bıik qundylyqtar – áleýmet­tik ádilettilik, ekonomıkalyq turaq­tylyq pen ultaralyq jáne konfes­sııaaralyq kelisimdi saqtaýda úlken kúsh ekenin biraýyzdan atap ótip, onyń osy baǵyttaǵy jumystaryn qoldaı­tyndaryn bildirdi. Jaqsybaı SAMRAT, «Egemen Qazaqstan». Aqmola oblysy.