Elbasynyń aptalyq kestesi

Qazaqstan Prezıdentiniń baspasóz qyzmeti Memleket basshysy Nursultan Nazarbaevtyń qatysýymen ótetin aldaǵy is-sharalar ańdatpasy týraly habarlady. 25 aqpanda Memleket basshysy Eýrazııalyq ekonomıkalyq komıssııa alqasynyń tóraǵasy Tıgran Sarkısıanmen kezdesedi dep josparlanyp otyr. Kezdesý barysynda EAEO-nyń qazirgi qyzmetiniń máseleleri, sondaı-aq, komıssııa jumysynyń aldaǵy kezeńdegi basymdyǵy bar baǵyttary talqylanatyn bolady. Osy kúni Nursultan Nazarbaev Halyqaralyq kórmeler bıýro­synyń bas hatshysy Vısente Los­sertalespen de kezdesedi dep josparlanýda. Kezdesýde halyqaralyq EKSPO-2017 kórmesin ótkizýge daıyndyq barysy men salynyp jatqan pavılondardy mazmundyq tur­ǵydan jabdyqtaý máselesin tal­qylaý kózdelgen. 26 aqpanda Memleket basshysy Egıpet Arab Respýblıkasynyń Prezıdenti Ábdel Fattah As-Sısımen kezdesedi. Mysyr Pre­zıden­tiniń elimizge resmı sapa­ry onyń Azııaǵa týrnesi aıasyn­da Qa­­zaqstan-Mysyr yntymaq­­tas­ty­ǵyna serpin berýge baǵyt­talǵan. Saýda-ekonomıka, aýyl sha­rýashylyǵy, farmasevtıka, sondaı-aq, ınfraqurylym já­ne kólik-logıstıka sala­laryn­da­ǵy ózara is-qımyl sııaq­ty baǵyt­tar boıynsha shaǵyn jáne keńeı­tilgen qu­ramda kelissózder ótkizý jos­par­lanǵan.