Qaraǵandyda avtopark qyzmetkerleri ereýilge shyqty

QARAǴANDY. 17 naýryz. Qaraǵandyda №3 avtoparktiń júrgizýshileri men kondýktorlary eńbek daýy boıynsha óz quqyqtaryn qorǵap, ereýilge shyqty. Bul týraly egemen.kz tilshisi habarlady. Dızel otynynyń qymbattaýyna baılanysty kúndelikti jospardyń 800 teńgege kóterilgenine qarsy bolǵan júrgizýshiler men kondýktorlar óz narazylyqtaryn ashyq túrde bildirdi. Ereýilge №3 avtoparktiń otyzǵa tarta júrgizýshisi qatysyp, marshrýtqa kásiporyn avtobýstarynyń 20 paıyzy shyqqan joq. «Eńbek daýyna» qatysýshylarmen kezdesýge qala ákimi Nurlan Áýbákirov pen orynbasary Arman Jumekenov keldi. Nátıjesinde bılik pen tasymaldaýshy kásiporyn ortaq ymyraǵa kelip, tústen keıin ereýilge qatysqan avtobýstardyń bári marshrýtqa shyqty. №3 avtoparktiń dırektory Artýr Grıgorıan qala basshylarynyń kásiporynǵa burynǵy baǵamen dızel otynyn jetkizý boıynsha kómektesýge ýáde bergenin málimdedi. Qaırat Ábildınov. Derek: egemen.kz. Sýret: dailynews.kz.