Ońtústikte esirtki tasymaldap júrgen top ustaldy

ShYMKENT. 17 naýryz. Ońtústiktiń polıseıleri esirtki tasymaldap júrgen topty ustady. Bul týraly OQO IID-i deregine súıengen egemen.kz tilshisi habarlady. Olar Túlkibas aýdanynyń tas jolynda VAZ-21099 kóligin toqtatqan. Salonda otyrǵan jergilikti úsh azamattyń esirtki satýmen aınalysatyndyǵy týraly aqparat rasqa aınaldy. Mashınadan marıhýana tektes 500 grammnan asatyn esirtki ósimdigi tabylǵan. Jalpy, bul toptyń esirtki satýdaǵy shataǵy munymen shektelmeıdi eken. Kúdiktileriniń biriniń áıeli de saýdaǵa qatysy bary anyqtalyp, úıin tintkende 5 keli esirtki tektes ósimdik shóbi tabylǵan. Tergeý barysynda kúdiktiler esirtki shóbin Jambyl oblysynyń aýmaǵynan ákelip satatyndyqtaryn moıyndady. Osyǵan oraı olarǵa qylmystyq kodekstiń 297 (esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) jáne 262-babymen (uıymdasqan top, qylmystyq uıym qurý jáne olarǵa basshylyq etý, qatysý) is qozǵaldy. Kúdiktiler qamaýda. Sotqa deıingi tergeý jumystary júrgizilýde. Jyl basynan beri OQO ishki ister departamenti esirtki bıznesine qarsy kúres basqarmasynyń qyzmetkerleri zańsyz aınalymdaǵy shamamen 16,5 keli esirtki zatyn, onyń ishinde shamamen 160 gr geroın esitki zatyn tárkiledi. Baqtııar Taıjan. Derek, sýret: egemen.kz