4 jasar búldirshin eshteńe jemeı ósip kele jatyr

Shynynda da bul balaqaı týǵaly beri bir tostaq tamaq jep kórmegen eken. Buǵan onyń óte sırek kezdesetin sın­drommen aýyratyny sebep bolypty. Jasy búginde 4-ke kelgen Oklı Langran týǵannan bastap kúnine 100 retke deıin júregi kóterilip, loblıtynymen dárigerlerdi qatty tań qaldyrypty. Osyǵan baılanysty ol áli kúnge deıin tamaq jeı almaıtyn kórinedi. Bala dástúrli taǵamdarmen endi tek oıynshyq retinde oınaıdy. Atalmysh aýrý óte-móte sırek kezdesetin bolǵandyqtan, dárigerler ony balanyń atymen «Oklı sındromy» dep ata­ýǵa uıǵarym jasaǵan. Ná­reste ómirge tamaǵy kemis bo­lyp kelgen. Muny mamandar «gastro-ezofagealdi ref­lıýksti syrqat» dep atap otyr. Bala aýqat jeı almaıtyn bolǵandyqtan, ata-anasy oǵan azyq-túlik taýarlarynyń plastıkaly mýlıajyn beredi. Oklı onymen oıynshyq retinde oınaıdy. Sábıge naǵyz tamaq tek Rojdestvo kezinde ǵana usynylady. Biraq Oklı ony da qolǵa ustap kórgennen artyqqa bara almaıdy. Osyndaı kemshilikterine oraı Oklı týǵan boıda derlik onyń asqazanyna birden ta­maq aparatyn arnaıy tútik ornatýǵa týra kelgen. Ol osy kezge deıin balmuzdaqtyń, shy­ryndardyń, jemisterdiń óz dámderi qandaı bolaty­nyn bilmeıdi. Alaıda, bul jaǵdaı Oklıdiń kóńil kúıi­ne tıtteı de áser etpegen. Bala­qaı kóńildi, ómirge qushtar, ty­nymsyz bolyp ósip keledi. Budan birqatar ýaqyt bu­ryn Londondaǵy Koroleva kolledji Langranǵa operasııa jasap, onyń denesiniń ishki qýysynda ne bar ekenin, qusýǵa beıim turýshylyqtyń neden bolatynyn anyqtaýǵa áreket jasaǵan eken. Osydan keıin onyń udaıy júregi kóterilýi qoıypty. Alaıda, dárigerler áli kúnge deıin bul sındromnyń sebebin dál bile almaı otyr. Murat AITQOJA.