Qurmetti otandastar!

Qazaqstan halqy As­sambleıasy siz­derdi jańarý men jasam­paz­dyqtyń bas­taýy, yrys pen berekeniń arqaýy – Naýryz meıramymen quttyqtaıdy! Bıyl Qazaqstannyń barsha halqy Naýryz meıramyn Táýelsizdiktiń torqaly 25 jyldyq mereıtoıy qarsańynda atap ótedi. Osy jyldar ishinde Naýryz meıramy jalpyhalyqtyq merekege, halqymyzdyń dostyǵy men birliginiń dástúrine aınaldy. Naýryz meıramy bizdi qaıyrymdylyq pen meıirimdilikke, izgilik pen janashyrlyqqa shaqyrady. Barsha qazaqstandyq etnostardyń súıikti merekesi – Naýryz meıramy beıbitshilik pen kelisimdi, tatýlyq pen yntymaqty beıneleıdi. Dana halqymyzdyń ulttyq rýhynyń negizin qalaıtyn, ǵasyrlar boıy atadan balaǵa amanat retinde beriletin bul qundylyqtar elimizdiń Tuńǵysh Prezıdenti – Elbasynyń beıbitshil saıa­satymen úndesken. Osynyń arqasynda elimizde beıbitshilik pen ózara túsinistik qalyptasyp, birlik pen tatýlyqty tý etken, yrysy men yntymaǵy jarasqan halqymyz berekeli ómir súrip jatyr. Áz Naýryz barshamyzdyń ortaq Otany­myzǵa degen sheksiz súıispenshiligimizdiń, dostyq pen izgiliktiń jarqyn kórinisi bolsyn! Ardaqty aǵaıyn! Búgingi qasıetti merekede ár qazaq­stan­dyqtyń shańyraǵyna izgilik pen meıirim uıa­la­syn, bosaǵasynan baqyt pen qut-bereke attasyn, dastarqany yrys pen molshylyqqa tolsyn! Sizderge jáne jaqyndaryńyzǵa myqty den­saýlyq, amandyq jáne tolaǵaı tabystar tileımiz! Ulys oń bolsyn! Aq mol bolsyn! Ulystyń Uly kúni qutty bolsyn! Qazaqstan halqy Assambleıasynyń Keńesi