QOSTANAI. 19 naýryz. Qostanaıda qutqarýshylar birneshe kún ishinde boranda, qar qursaýynda qalǵan 200 adamdy aman alyp qaldy. Bul týraly oblystyq tótenshe jaǵdaılar departamenti memlekettik til jáne aqparat tobyna silteme jasaǵan egemen.kz tilshisi habarlady.
Qorǵan jaǵynan soqqan antısıklon Qostanaı óńirine qar men boran ala keldi. Sonyń saldarynan joldarda kórý qashyqtyǵy joǵalyp, jolaýshylar kóligi qarǵa keptelip qaldy. Sarykól aýdanynda kúre joldyń boıynda órt sóndirý jáne apat-qutqarý qyzmetiniń qyzmetkerleri qar qursaýynda qalǵan jeti adamdy alyp shyqty. Odan keıin osy aýdannan ótetin «Ekaterınbýrg –Almaty» kúre jolynyń boıynan qutqarýshylar 92 jolaýshyny borannan aman alyp qaldy. Onyń 10-y balalar. Sonymen qatar 33 kólikti de qar qursaýynan qutqardy. Eshkim zardap shekken joq.
«Kostanaı–Vvedenka» tas jolynyń jáne Fedorov aýdanyndaǵy jol boıynda boran úrip tastaǵan qar úıindisinen shyǵa almaı turǵan 111 adam qutqaryldy. Onyń 15-i balalar. Sondaı-aq, qarǵa keptelgen 30 mashınany súırep, jolǵa salyp jiberdi.
Qazir borannyń basylmaýyna baılanysty oblys óńirindegi oblystyq jáne respýblıkalyq mańyzy bar birneshe joldar jabyq tur.
Názıra Járimbetova.
Derek, sýret: egemen.kz.
