Eki qazaqstandyq kúres túrlerinen Olımpıada joldamasyn jeńip aldy

ASTANA. 19 naýryz. Astanada ótip jatqan kúres túrlerinen Azııa qurlyǵy boıynsha Olımpıadaǵa irikteý týrnıriniń alǵashqy jarys kúni eki otandasymyz Oıyndar joldamasyn jeńip aldy. Bul týraly egemen.kz tilshisi habarlady. Erkin kúresten 74 kılo salmaq dárejesinde synǵa túsken qazaqstandyq palýan Ǵalymjan О́serbaev týrnır jeńimpazy atanyp, Rıo-de-Janeıro Olımpıadasyna barý múmkindigine qol jetkizdi. Fınalǵa deıin barlyq qarsylasynan basym túsken ol sheshýshi beldesýde japon palýany Sohsýke Takatanımen kezdesýi kerek bolatyn. Alaıda, japonııalyq jaraqatyna baılanysty kezdesýden bas tartyp, kúmis júldemen shekteldi. Degenmen, onyń da fınalǵa deıin súrinbeı jetkeni úshin Olımpıada joldamasyn ıemdengenin atap ótken jón. Qurama qorjynyna túsken ekinshi joldamany áıelder kúresinde 69 kıloda synǵa túsken Elmıra Syzdyqova aldy. Bir qyzyǵy, Elmıra da fınalda japonııalyqpen kezdesti. Alaıda, bul joly japon qyzy Sare Doshonyń mereıi ústem bolyp, týrnır chempıony atandy. Bizdiń qyz kúmis júldemen shektelgenine qarmastan, basty mindetti oryndap, Olımpıadada óner kórsetý quqyǵyna qol jetkizdi. Elaman Qońyr. Derek: egemen.kz. Sýret: zhusan.kz.