ASTANA. 20 naýryz. Búgin Qazaqstanda Parlament Májilisi men barlyq deńgeıdegi máslıhat depýtattarynyń saılaýy ótýde. Soǵan oraı daýys berýshilerge 9840 saılaý ýchaskesi qyzmet kórsetýde. Bul týraly egemen.kz tilshisi habarlady.
Shet memleketterdegi Qazaqstan azamattary úshin 65 saılaý ýchaskesi qurylsa, sonyń tórteýi Qytaıda ornalasqan. Atap aıtqanda, Qytaı astanasy – Beıjiń, Shanhaı, Úrimji jáne Gonkong qalalarynda otandastarymyz óz tańdaýlaryn jasady.
Qytaıdaǵy Qazaqstan elshiliginiń keńesshisi Manarbek Qabazıevtiń aıtýynsha, Beıjińdegi №207 saılaý ýchaskesine 2 myńnan astam saılaýshy tirkelgen. Búgin jergilikti ýaqyt boıynsha saǵat 7:00-de jumysyn bastaǵan ýchaskege atalǵan qaladaǵy Qazaqstan azamattary kelip, daýys berdi. Olardyń arasynda Beıjińge jolsaparmen barǵan «Egemen Qazaqstan» gazeti ınternet-redaksııasynyń qyzmetkerleri de bar.
Elaman Qońyr.
Derek, sýret: egemen.kz.
