«О́rmekshi adam»

záýlim úıdiń tóbesine jalań qolmen órmelep shyqty Jurtshylyq arasynda «ór­mek­shi adam» degen at alǵan bel­gili jartasqa órmeleýshi Alen Rober jalań qolymen, eshqandaı saqtandyrý quraldarynsyz Parıj­degi bıiktigi 187 metr bolatyn záýlim úıdiń tóbesine jerden bastap órmelep shyqty. Fransýzdyń 53 jastaǵy sportshysy qalanyń Defans mahallasynda ornalasqan mańdaıy kók tiregen ǵımarattyń eń tóbe­sine deıin órmelep jetýge 45 mınýt ýaqyt jumsady. Birazdan beri osyndaı qaýipti bıiktikterdi baǵyndyryp júrgen «órmekshi adam» óziniń mundaı kez kelgen «joryǵyna» saqtandyrý qural­darynsyz attanady eken. Muny Alen alpınızmniń óz ómiriniń máni, mazmuny, bólshegi ekendigimen túsindiredi. «Alpınızm – meniń qu­mar­lyǵym, meniń ómirlik fılo­so­fııa­m. Ártúrli baqytsyz jaǵ­daı­lar is júzinde 66 paıyzǵa mú­gedek etip qoıǵanyna, mundaı bıik deńgeılerde basymnyń aınala bastaıtynyna qaramastan, men joryqqa jalǵyz attanatyn alpınısterdiń arasyndaǵy úzdigi bola aldym», dep jazypty Alen Rober osy oqıǵadan keıin Facebook áleýmettik jelisindegi óziniń paraqshasyna. Alen bul kezge deıin Eıfel munarasyn, Sıdneı opera teatryn, Dýbaıdaǵy Býrld-Halıf ǵımaratyn jáne Malaızııa astanasy – Kýala-Lýmpýrdegi Petro­nas munarasyn baǵyn­dyrǵan. Damır QOJAMQUL.