Shetelde qashyp júrgen Qazaqstan azamattary ustaldy

ASTANA. 24 naýryz. Ishki ister mınıstrliginiń TMD elderimen jasaǵan kelisimine sáıkes, 16-17 naýryz aralyǵynda «Izdestirý» birlesken operasııasy ótkizildi. Bul týraly egemen.kz tilshisi habarlady. Sonyń nátıjesinde 369 izdestirýdegi qylmysker anyqtalyp, ustaldy. Onyń ishinde kisi óltirgeni úshin 8 qylmysker, densaýlyqqa aýyr zııan keltirgen 12 otandasymyz, qaraqshylyq shabýyl jasaǵan 9 adam, tonaýmen aınalysqan 26 jáne terrorıstik qylmysqa qatysy bar 3 adam tutqyndaldy. Reseıde 15 qylmysker, Qyrǵyzstanda 7 jáne О́zbekstanda 4 adam ustaldy. Reseı Federasııasynyń Ivanov jáne Sverdlovsk oblysynda eki qylmysker ustaldy. Birinshisi 2002 jyly 29 shilde kúni Petropavlda adam óltirgen qylmysker bolsa, ekinshisi osy qalada 2005 jyly maýsym aıynda «SEN» dúkenine uıymdasqan topta qaraqshylyq shabýyl jasaǵan.  Ekeýi de Soltústik Qazaqstan oblysy IID izdestirýinde bolǵan. Sonymen birge Reseıdiń Rostov oblysynda byltyr jeltoqsan aıynan bastap sheteldik qarýly qaqtyǵystarǵa qatysy bar Qostanaı oblysy IID-niń izdestirýindegi adam ustaldy. Krasnodar aımaǵynda 2015 jyly 27 maýsymda Shymkent qalasynda kisi óltirmek bolǵan Ońtústik Qazaqstan oblysy IID-niń izdestirýindegi adam tutqyndaldy. Qyrǵyz Respýblıkasynyń Naryn oblysynda 2014 jyly tamyz aıynda asa kóp mólsherde esirtki quraldaryn ótkizip, kontrabandamen aınalysqany úshin Jambyl oblysy IID-niń izdestirýindegi adam tutqynǵa alyndy. Mańǵystaý oblysynyń IID adam saýdasymen aınalysqany úshin 2010 jyldan bastap Qaraqalpaqstan Respýblıkasy IIM-niń izdestirýindegi adamdy ustady. Máskeý qalasynda asa úlken kólemde alaıaqtyq jasaǵany úshin 2014 jyldan bastap Astana qalasy IID-niń izdestirýinde bolǵan adam tutqyndaldy. Dastan Kenjalın. Derek: Ishki ister mınıstrliginiń baspasóz qyzmeti. Sýrte: egemen.kz