Memleket basshysy «Nur Otan» partııasynyń bıýro otyrysyna qatysty

ASTANA. 24 naýryz. Elbasy «Nur Otan» partııasy Saıası keńesi bıýrosynyń otyrysyna qatysty. Bul týraly akorda.kz-ke silteme jasaǵan egemen.kz tilshisi habarlady. Otyrysta partııanyń parlament saılaýyna qatysý qorytyndylary talqylandy, sondaı-aq, kandıdattardyń partııalyq tizimi boıynsha Parlament Májilisine depýtattyq mandattardy bólý kezegi anyqtaldy. Memleket basshysy saılaýda «Nur Otan» partııasyna teńdessiz qoldaý kórsetilgenin, sondyqtan osyndaı joǵary senimdi aqtaý qajettigin atap ótti. Qazaqstan Prezıdenti saılaý úderisin 1000-ǵa jýyq baıqaýshylar men álemniń 51 elinen 150-ge tarta buqaralyq aqparat quraldarynyń ókilderi baqylaǵanyn aıtty. Saılaý ashyq, jarııa túrde ótip, joǵary deńgeıde uıymdastyryldy dep tanyldy. Jalpy alǵanda, qazaqstandyqtar birligi men tutastyǵyn, sondaı-aq el damýyna úles qosýǵa umtylysyn pash etti. Memleket basshysy jańa shaqyrylym depýtattary senimdi aqtaýy tıis ekendigin, óıtkeni olarǵa Ult josparyn tıimdi júzege asyrýdyń aıryqsha jaýapkershiligi júkteletinin aıtty. Nursultan Nazarbaev kandıdattardyń bekitilgen tizimi barlyq talaptar men ólshemderge saı ekenine, óńirlik, áleýmettik, kásibı turǵydan ekshelgenine nazar aýdardy. Qazaqstan Prezıdenti depýtattardyń Parlamentte jetekshi saıası kúsh – «Nur Otan» partııasy atynan ókildik etetinin atap aıtty. Sondaı-aq, Memleket basshysy partııanyń aldyna birqatar mindetter qoıdy. Atap aıtqanda, Úkimetpen birlesip Ult josparyn jáne Bes ınstıtýsıonaldyq reformany júzege asyrý úderisin zańnamalyq turǵydan qamtamasyz etý qajet. Sonymen qatar, qazaqstandyqtar daýys bergen saılaýaldy baǵdarlamanyń ýaqtyly júzege asyrylýyna atsalysý kerek. Qazaqstan Prezıdenti «Nurly jol» baǵdarlamasynyń júzege asyrylý barysyna jáne bıýdjet qarajatynyń tıimdi jumsalýyna partııalyq baqylaý jasaý jumysyn kúsheıtýdi tapsyrdy. Memleket basshysy halyqtyń muń-muqtajyn anyqtaýǵa jáne sheshýge jaqty atsalysý, sondaı-aq Qazaqstan halqy Assambleıasymen ózara tyǵyz is-qımyldy jolǵa qoıý qajettigin atap ótti. Otyrys barysynda Saıası keńestiń Bıýro músheleri – Parlament Senatynyń tóraǵasy Q.Toqaev, Qazaqstan halqy Assambleıasynyń múshesi A.Bashmakov sóz sóıledi. Saıası keńes Bıýrosynyń jumys qorytyndysy boıynsha Qazaqstan Respýblıkasy Parlamenti Májilisiniń depýtattyq mandattaryn bólý kezegin anyqtaý týraly qaýly qabyldandy. QR Parlamenti Májilisiniń VI shaqyrylymy depýtattarynyń tizimine «Nur Otan» partııasynan engen halyq qalaýlylaryn myna jerden oqı alasyzdar. Talǵat Raıymbek. Derek, sýret: akorda.kz