«Semnannyń» nany árqashan dámdi

Semeıde sońǵy kezde «Sem­nan» JShS-niń ónimderine degen suranys óte joǵary. Qala­lyq kásipkerlik bóliminiń ma­man­darynyń aıtýynsha, bul ká­siporynnyń ónimderi sapaly bolýymen qa­tar, baǵasy da halyqqa qol­je­timdi ári tıimdi. Kombınat satyp alýshylardyń ártúrli tań­daýlaryn esepke ala otyryp, ár adamnyń ózine qajetti ónimin satyp alýǵa qolaıly jaǵdaı jasaǵan. «Semnanda» shyǵarylatyn ónim­derge kelsek, olar nandar, nan-bólkeler, toqashtar, un tátti ta­ǵamdary, pecheneler, torttar. Qala dúkenderinde dıeta nandary men densaýlyqty túzeýge arnalǵan nandar serııasy erekshe nazar tartady. Bul ónimder tamaqtaný rasıonyn nátıjeli úılestirýge jáne uzaq ýaqyt qol­danǵanda or­ganızmniń jalpy jaǵdaıyn jaqsartýǵa kómektesedi. «Semnan» JShS nan-toqash kombınaty únemi kórmeler men RR-aksııalarǵa qatysyp turady. Mádenıet, bilim jáne sportty damytýǵa baǵyttalǵan áleýmettik baǵdarlamalardy belsendi qol­daý arqyly tutynýshylarmen baılanys jasap, tıimdi sharalardy júzege asyrýda. Kompanııa tu­­tynýshylarmen úzdiksiz baılanysta bolatyndyqtan ónim­derdiń qunarlyǵy jáne paıdaly qasıetteri týraly máli­met­terdi jınaqtap otyrady. On­da tutynýshylar ózderiniń es­kertýleri men tilekterin aıtýǵa múmkindikteri bar. Kombınatta jańa tehnologııalar bólimi jumys jasap, onyń kómegimen barlyq múddeli jaqtardyń, sonymen qatar, tutynýshylardyń, talaptaryna jaýap bere alatyn jańa nan-toqash ónimderi óndiriske turaqty túrde engizilýde. «Semnan» nan-toqash kombınaty» JShS ónimderiniń sapasy erekshe turaqty jáne talapqa saı. Zamanaýı jabdyqtarmen jab­dyqtalǵan tehnologııalyq zerthana shıkizat, jartylaı daıyn ónimder men daıyn ónimderdiń sapasy men qaýipsizdigin qatań baqylaıdy. О́ndiristik, turmystyq jáne ákimshilik úı-jaılaryn ja­ńartý, sanıtarlyq-gıgıenalyq nor­malardy saqtaýǵa basa kóńil bólinedi. Kombınattyń barlyq daıyn ónimderi belgilengen tár­­tipte sáıkestikti rastaý prosedýrasynan júıeli túrde ótedi. Kombınat talaı ret ártúrli konkýrstarda júldeli oryndardy ıelegen. «Semnan» JShS-niń dırektory Qaırat Jáńgirbaevtyń aı­­­týynsha, olardyń kásiporny Semeıdegi dúkenderdi áleýmettik nan­men qamtamasyz etip otyrǵan birden-bir kásiporyn. Jaqynda qala ákimdigimen 20 kásiporyn memorandýmǵa otyrǵan edi. Ba­ǵany sharyqtatpaý týraly memo­randýmǵa sáıkes nan baǵasy da asa qymbattamaıtyn bolady. – Bizdiń ujym jaqynda Fedor Dostoevskıı murajaıynda ótken «Eńbek adamy» jármeńke­si­ne qatysty, osyndaı sharalarǵa jıi atsalysyp turamyz, – deıdi «Semnan» JShS-niń dırektory Qaırat Jáńgirbaev. – Bul shara «Eńbek kúnine» arnaldy. Bul kún­­niń maǵynasy adamdy eńbek etýge baýlý. Eńbeksúıgishtikti nasıhattaý bolyp tabylady. Shyny kerek, biz qaıyrymdylyq jasaýdy da umytpaımyz. «Baldáýren» balalar baqshasy, «Ana men bala» Qyzyl krest qoǵamdyq uıymy, balalar úıi sııaqty kóptegen mekemeler bizdiń qamqorlyǵymyzda. Aıta ketý kerek, «Semnanda» zeı­net­kerlikke shyqqan adamdar da jumys isteıdi. Biz eńbek etem degen adamdy dalaǵa tastamaımyz. Áleýmettik jaǵynan az qorǵalǵan otbasylar da bizdiń nazarymyzda. –  «Eńbek adamy» jármeńkesin­de túrli áshekeı buıymdar, syrǵalar, syıkádeler jasaıtyn qolóner ıelerimen qatar nan-makaron ónim­derin usynyp «Semnan» JShS de qatysty, kórermenderdiń rıza­shylyǵyna ıe boldy. О́ıtkeni, Se­meı halqy negizinen «Semnan» kásipornynyń ónimderin tu­ty­nady, – dedi murajaıdyń ǵy­ly­mı aǵartýshylyq bólimi meń­gerýshisiniń orynbasary, jár­meńkeni uıymdastyrýshy Sal­tanat Sekerbaeva. – «As atasy – nan» demekshi, kórmemizde nandy qoldan pisirý, peshke salý, túrli kondıterlik taǵamdar jasaý tarıhy baıandalǵan. Munyń bári de eńbek adamynyń qolóner jemisi ekendigin umytpaǵan jón. – Iá, naryqtyń óz zańy bar, biraz jerlerde nan baǵasynyń ósip jatqandyǵynan habardarmyn, – deıdi qala turǵyny Galına Bondarenko, – biraq, men ózim unatqan toqashtar men batondardan osyǵan bola bas tartpaımyn. Baǵanyń kóterilýine túsinistikpen qaraýǵa bolady dep esepteımin. О́ıtkeni, qazir kásiporyndarǵa da ońaı emes. Shyǵyndary kóbeıgen shyǵar. Al «Semnan» ónimi ár­qashanda joǵary baǵalanady, sebebi, asa qymbat emes, qoljetimdi. Ári nan-toqashtary asa dámdi.  Raýshan NUǴMANBEKOVA. SEMEI. Sýretterdi túsirgen avtor.