ASTANA. 29 naýryz. Qarýly Kúshterdiń Joǵarǵy Bas qolbasshysy Nursultan Nazarbaevtyń tapsyrmasymen 27 naýryz kúni túngi saǵat 01.00-de dabyl qaǵylyp, Jambyl oblysyndaǵy áskerı bólimder jaýyngerlik ázirliktiń joǵary deńgeıine keltirildi. Bul týraly Qorǵanys mınıstrliginiń aqpary boıynsha egemen.kz tilshisi habarlady.
Atalǵan áskerı shara barysynda qorǵanys vedomstvosynyń basshysy Imanǵalı Tasmaǵambetov 03811 (Qulan aýyly), 91678 (Baýyrjan Momyshuly aýyly), 85395 (Taraz qalasy) áskerı bólimderiniń jáne «Teris-Ashybulaq» polıgonynyń jaýyngerlik ázirligin tekserdi.
Bul bólimsheler belgilengen ýaqyt merziminde «Teris-Ashybulaq» polıgonyna jınalyp, qoıylǵan mindetterdi oryndady. Sondaı aq, jyljymaly basqarý pýnkti, baılanys jelisi jáne basqa da qurylymdar ornatyldy.
85395 áskerı bóliminde (Taraz qalasy) tekseristiń qorytyndysy shyǵarylyp, onda bólimderdiń jınaqylyǵy men utqyrlyǵy jáne olardyń belgilengen ara-qashyqtyqqa jetýi tekserildi.
Dastan Kenjalın.
Derek, sýret: Qorǵanys mınıstrligi.
