Búgin elimizdiń basym bóliginde turaqsyz aýa raıy saqtalady

ASTANA. 2 sáýir. Búgin elimizdiń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady. Bul týraly «Qazgıdrometke» silteme jasaǵan egemen.kz tilshisi habarlady. Soltústik Qazaqstan oblysynyń keı jerlerinde tuman, kóktaıǵaq bolady. Jeldiń kúshi sekýndyna 15-20 metrge deıin barady. Aqmola, Qostanaı, Qaraǵandy, Shyǵys Qazaqstan oblystarynyń keı jerlerinde tuman túsedi, jeldiń kúshi sekýndyna 15-20 metrge deıin barý múmkin. Pavlodar oblysynyń keı jerlerinde tuman túsýi múmkin, túnde kóktaıǵaq bolady. Atyraý oblysynda jeldiń jyldamdyǵy sekýndyna 15-22 metrge deıin jetedi. Mańǵystaý, Batys Qazaqstan oblystarynyń keı jerlerinde tuman, kúndiz jeldiń jyldamdyǵy sekýndyna 15-20 metrge deıin barady. Qyzylorda oblysynda jeldiń kúshi 15-20 metrge deıin kúsheıedi. Jambyl oblysynyń, Ońtústik Qazaqstan oblysynyń keı jerlerinde tuman, kún kúrkirep, naızaǵaı oınaıdy. Almaty oblysynyń keı jerlerinde tuman túsedi. Aıan Ábdýálı. Derek: «Qazgıdromet». Foto: report.az.